ന്യൂയോര്‍ക്ക്: യു.എന്‍ സുസ്ഥിര വികസന ലക്ഷ്യ(എസ്.ഡി.ജി) ഏജന്‍സി ഉപദേഷ്ടാക്കളിലൊരാളായി സമാധാന നൊബേല്‍ ജേതാവും പ്രശസ്ത ഇന്ത്യന്‍ സാമൂഹ്യ പരിഷ്‌കര്‍ത്താവുമായ കൈലാഷ് സത്യാര്‍ഥി നിയമിതനായി. ബാലാവകാശ വിഷയങ്ങള്‍ക്ക് ഊന്നല്‍ നല്‍കുന്നതിന്റെ ഭാഗമായാണിത്.യു.എന്‍ സെക്രട്ടറി ജനറല്‍ അന്റോണിയോ ഗുട്ടറസാണ് അദ്ദേഹത്തെ മറ്റു മൂന്നുപേരോടൊപ്പം 2030 വരെയുള്ള യു.എന്നിന്റെ വികസന വിഷയങ്ങള്‍ കൈകാര്യം ചെയ്യുന്ന വകുപ്പിന്റെ തലപ്പത്ത് നിയമിച്ചത്.അഫ്ഗാനിലെ കുട്ടികള്‍ നമ്മുടെ കുട്ടികളാണെന്നും ഭാവി തലമുറയ്ക്ക് അവര്‍ അര്‍ഹിക്കുന്നത് നല്‍കണമെന്നും സത്യാര്‍ഥി സ്ഥാനമേറ്റ ശേഷം പറഞ്ഞു.