പു​സ്ത​ക​പ്പാ​ത
വി.​ മു​സ​ഫ​ര്‍ അ​ഹ​മ്മ​ദ്

ക​വി സു​കു​മാ​ര​ൻ ചാ​ലി​ഗ​ദ്ധ​യു​ടെ ആ​ത്മ​ക​ഥ ‘ബേ​ത്തി​മാ​ര​ൻ’ (പ്ര​സാ​ധ​നം: ഒ​ലി​വ് ബു​ക്‌​സ്) സ​മീ​പ​കാ​ല​ത്ത് ന​മ്മു​ടെ ഭാ​ഷ​യി​ൽ വ​ന്ന ഏ​റ്റ​വും പ്ര​ധാ​ന​പ്പെ​ട്ട പു​സ്ത​ക​മാ​ണ്. 80 പേ​ജു​ക​ൾ മാ​ത്ര​മു​ള്ള ഈ ​ചെ​റി​യ പു​സ്ത​കം ആ​ദി​വാ​സി ജീ​വി​ത​ത്തി​ന്റെ സ​ർ​ഗാ​ത്മ​ക​യു​ടെ പ​ല അ​ട​രു​ക​ളെ വെ​ളി​ച്ച​ത്തി​ലേ​ക്ക് നി​ർ​ത്തു​ന്നു.

പു​സ്ത​ക​ത്തി​ന്റെ ആ​മു​ഖ​ത്തി​ൽ സു​കു​മാ​ര​ൻ എ​ഴു​തു​ന്നു: ഞ​ങ്ങ​ളു​ടെ ജ​ന​സം​ഖ്യ ദി​നം​പ്ര​തി കൊ​റ​ഞ്ഞു​വ​രി​ക​യാ​ണ്. ആ​ദി​വാ​സി വം​ശ​ത്തി​ന് നാ​ശം സം​ഭ​വി​ക്കു​ന്ന​തു​പോ​ലെ​ത്ത​ന്നെ​യാ​ണ് ഞ​ങ്ങ​ടെ ഭാ​ഷ​ക്കും സം​ഭ​വി​ച്ചു​കൊ​ണ്ടി​രി​ക്കു​ന്ന​ത്. മ​ല​യാ​ള ഭാ​ഷ​ക്ക് മേ​ലെ ഇം​ഗ്ലീ​ഷ് അ​ധി​നി​വേ​ശം ന​ട​ത്തു​ന്ന​തി​നെ​പ്പ​റ്റി വി​ല​പി​ക്കു​ന്നു​ണ്ട​ല്ലോ. അ​തു​പോ​ലെ മ​ല​യാ​ളം, ക​ന്ന​ട,ത​മി​ഴ് തു​ട​ങ്ങി​യ അ​ധീ​ശ ഭാ​ഷ​ക​ളു​ടെ പി​ടി​യി​ൽ പെ​ട്ട് ഞെ​രി​ഞ്ഞ​മ​രു​ക​യാ​ണ് പ​ല ഗോ​ത്ര ഭാ​ഷ​ക​ളും. മ്യൂ​സി​യം പീ​സാ​യി ഞ​ങ്ങ​ളെ​യും ഞ​ങ്ങ​ടെ ഭാ​ഷ​ക​ളെ​യും കാ​ണു​ന്ന പൊ​തു​ബോ​ധ​ത്തോ​ട് ക​ല​ഹി​ക്കേ​ണ്ടി​വ​രു​ന്ന​ത് ഒ​ലി​ച്ചു പോ​കു​ന്ന മ​ണ്ണി​ൽ ചു​വ​ടു​റ​ച്ചു നി​ൽ​ക്കാ​ൻ വേ​ണ്ടി​യാ​ണ്:

ഗോ​ത്ര ജ​ന​ത​യെ മ്യൂ​സി​യം പീ​സ് മാ​ത്ര​മാ​ക്കാ​നു​ള്ള (80തു​ക​ളി​ൽ ഡ​ൽ​ഹി പ്ര​ഗ​തി മൈ​താ​ന​ത്ത് ന​ട​ന്ന ഒ​രു പ്ര​ദ​ർ​ശ​ന​ത്തി​ൽ ആ​ദി​വാ​സി ദ​മ്പ​തി​ക​ളെ കൂ​ട്ടി​ല​ട​ച്ച് പ്ര​ദ​ർ​ശി​പ്പി​ച്ച സം​ഭ​വം ഓ​ർ​ക്കു​ക) എ​ല്ലാ നീ​ക്ക​ങ്ങ​ളെ​യും നേ​രി​ടു​ന്ന ക​വി​യു​ടെ നി​ല​പാ​ട് ഈ ​വാ​ക്കു​ക​ളി​ലൂ​ടെ വ്യ​ക്ത​മാ​കു​ന്നു. ആ​ദി​വാ​സി​ക​ളെ ത​ങ്ങ​ൾ​ക്കൊ​പ്പം ജീ​വി​ക്കു​ന്ന സ​മ​കാ​ലി​ക​രാ​യി കാ​ണാ​ൻ ത​യാ​റാ​കാ​ത്ത പൊ​തു​ബോ​ധ​ത്തെ ‘ബേ​ത്തി​മാ​ര​ൻ’ ചോ​ദ്യ ചെ​യ്യു​ന്നു.

സു​കു​മാ​ര​ൻ ഇ​ങ്ങ​നെ തു​ട​രു​ന്നു: ആ​ദി​വാ​സി​യു​ടെ ദാ​രി​ദ്ര്യ​ത്തെ​ക്കു​റി​ച്ചോ ഇ​ല്ലാ​യ്മ​യെ​ക്കു​റി​ച്ചോ ഒ​ന്നു​മ​ല്ല ഇ​ത്ര​യും കാ​ലം ഞാ​ൻ ക​വി​ത​യി​ലൂ​ടെ പ​റ​യാ​ൻ ഉ​ദ്ദേ​ശി​ച്ചി​ട്ടു​ള്ള​ത്. അ​തു​പോ​ലെ​ത്ത​ന്നെ ഈ ​പു​സ്ത​ക​ത്തി​ലൂ​ടേ​യും പ​റ​യാ​ൻ ആ​ഗ്ര​ഹി​ക്കു​ന്ന​ത് സാം​സ്‌​ക്കാ​രി​ക​മാ​യി സ​മ്പ​ന്ന​മാ​യ​തും അ​നു​ഭ​വ​ങ്ങ​ളി​ലൂ​ടെ പ്ര​തി​രോ​ധി​ച്ച​തു​മാ​യ ഗോ​ത്ര ജീ​വി​ത​ത്തി​ന്റെ അ​ക​ക്കാ​ഴ്ച്ച​ക​ളാ​ണ്:
ആ​ദി​വാ​സി ജീ​വി​ത​ത്തി​ന്റെ സാം​സ്‌​ക്കാ​രി​ക സ​മ്പ​ന്ന​ത​യു​ടെ നി​ര​വ​ധി ചി​ത്ര​ങ്ങ​ൾ സു​കു​മാ​ര​ൻ അ​വ​ത​രി​പ്പി​ക്കു​ന്നു. അ​തി​ലൊ​ന്ന് പാ​ട്ടി​നെ​ക്കു​റി​ച്ചു​ള്ള​താ​ണ്: ആ​ര​ടേം കീ​ഴി​ല് ആ​ദി​വാ​സി​ക​ള് പാ​ട്ടു പ​ഠി​ക്കാ​ൻ പോ​യി​ട്ടി​ല്ല. ഞ​ങ്ങ​ള് സ്വ​യം ഗാ​യ​ക​രാ​യ​താ​ണ്. ആ​ര​ടേം ശ​ബ്ദം മോ​ശ​മാ​ണെ​ന്ന് പ​റ​യാ​ൻ പ​റ്റി​ല്ല. എ​ല്ലാ​ര​ടേം പ​ല ത​ര​ത്തി​ലു​ള്ള ശ​ബ്ദ​ങ്ങ​ളാ​ണ്. എ​ല്ലാ​രെ​യും സ്വീ​ക​രി​ക്കു​ന്നു​ണ്ട്. ആ​രോ​ടും നി​ന്റെ പാ​ട്ടു കൊ​ള്ളൂ​ല, നി​ന്റെ ശ​ബ്ദം ശ​രി​യ​ല്ല, നീ​യി​നി പാ​ട്ട് പാ​ടേ​ണ്ട എ​ന്നൊ​ന്നും ആ​രും പ​റ​യി​ല്ല. അ​വ​രൊ​രു പാ​ട്ട് പാ​ടി​ക്ക​ഴി​ഞ്ഞാ​ല് എ​ല്ലാ​വ​രും അ​തി​നോ​ട് ചേ​ർ​ന്ന​ലി​യു​ക​യാ​ണ്: ഗോ​ത്ര സാം​സ്‌​ക്കാ​രി​ക സ്വ​ത്വ​ത്തെ ഇ​ങ്ങ​നെ സു​കു​മാ​ര​ൻ അ​വ​ത​രി​പ്പി​ക്കു​ന്നു.

ഈ ​പു​സ്ത​കം സ​മ​ർ​പ്പി​ച്ചി​രി​ക്കു​ന്ന​ത് കു​ട​കി​ൽ പ​ണി​ക്കു​പോ​യി​രു​ന്ന എ​ന്റെ ഇ​ത്തി​യ​മ്മ​മാ​ർ​ക്കും അ​ച്ച​പ്പ​ൻ​മാ​ർ​ക്കും... എ​ന്നാ​ണ്. വ​യ​നാ​ട്ടി​ലെ ആ​ദി​വാ​സി​ക​ൾ കു​ട​കി​ൽ ഇ​ഞ്ചി​പ്പ​ണി ചെ​യ്യാ​ൻ പോ​യി അ​നു​ഭ​വി​ച്ച ദു​രി​ത കാ​ണ്ഡം സു​കു​മാ​ര​ൻ അ​വ​ത​രി​പ്പി​ക്കു​ന്നു. കു​ട​കി​ൽ കൊ​ല്ല​പ്പെ​ടു​ക​യും മ​രി​ക്കു​ക​യും ചെ​യ്ത​വ​രെ അ​ട​യാ​ള​പ്പെ​ടു​ത്തു​ന്നു. ഈ ​മ​നു​ഷ്യ​രെ പൊ​തു​സ​മൂ​ഹം അ​റി​യു​ക പോ​ലു​മി​ല്ല. ഓ, ​ആ​ദി​വാ​സി​ക​ള​ല്ലേ എ​ന്ന സ​മീ​പ​നം ഇ​ന്നും തു​ട​രു​ക​യാ​ണ്. 2008ൽ ​ചി​ല സം​ഘ​ട​ന​ക​ളു​ടെ ഇ​ട​പെ​ട​ൽ കു​ട​കി​ലെ പീ​ഡ​ന​ങ്ങ​ൾ​ക്ക് ത​ട​യി​ട്ട​താ​യി പു​സ്ത​ക​ത്തി​ൽ കാ​ണാം.

ഈ ​പു​സ്ത​ക​ത്തി​ൽ മ​നു​ഷ്യര​ക്തം പ​ട​രു​ന്ന​ത് ആ​ദി​വാ​സി​ക​ളു​ടെ കു​ട​ക് ജീ​വി​ത​ത്തെ​ക്കു​റി​ച്ച് പ​റ​യു​ന്ന താ​ളു​ക​ളി​ൽ ത​ന്നെ​യാ​ണ്. ക​ങ്കാ​ണി​മാ​രും ദ​ല്ലാ​ള​ൻ​മാ​രും വ​യ​നാ​ട്ടി​ൽ നി​ന്ന് ആ​ദി​വാ​സി​ക​ളെ കു​ട​കി​ൽ പ​ണി​ക്കു കൊ​ണ്ടു​പോ​കു​ന്ന​തും അ​വി​ടെ പാ​ർ​പ്പി​ക്കു​ന്ന​തും പ​ണി​യെ​ടു​പ്പി​ക്കു​ന്ന​തു​മെ​ല്ലാം അ​ടി​മസ​മ്പ്ര​ദാ​യ​ത്തി​ൽ ത​ന്നെ​യെ​ന്ന് സു​കു​മാ​ര​ന്റെ എ​ഴു​ത്ത് സാ​ക്ഷ്യ​പ്പെ​ടു​ത്തു​ന്നു. സു​കു​മാ​ര​നും കു​റ​ച്ചു നാ​ൾ ഇ​തേ ജീ​വി​ത​ത്തി​ലൂ​ടെ ക​ട​ന്നു പോ​യി​ട്ടു​മു​ണ്ട്. ആ ​ഓ​ർ​മ്മ​ക​ൾ പ​ങ്കു​വ​യ്ക്കു​മ്പോ​ൾ അ​ദ്ദേ​ഹം പ​റ​യു​ന്നു, ആ ​കു​ട​ക് കാ​ല​ത്തും ഞ​ങ്ങ​ൾ പാ​ട്ടു പാ​ടി​യി​രു​ന്നു എ​ന്ന്. സാം​സ്‌​ക്കാ​രി​ക​മാ​യ ജീ​വി​തം, ഊ​ന്ന​ൽ അ​തി​ലൂ​ടെ​യു​ള്ള ഗോ​ത്ര​ജീ​വി​ത​ത്തി​ന്റെ നേ​ർ​ക്കാ​ഴ്ച്ച​യു​ടെ അ​വ​ത​ര​ണം ഇ​താ​ണ് ഈ ​പു​സ്ത​ക​ത്തി​ന്റെ വാ​യ​നാ​നു​ഭ​വം.

കു​ട​ക് കാ​ലം അ​ദ്ദേ​ഹം ഇ​ങ്ങ​നെ വി​ശ​ദ​മാ​ക്കു​ന്നു: കു​ട​കി​ലേ​ക്ക് പൊ​യ്‌​ക്കൊ​ണ്ടി​രു​ന്ന ആ​ൾ​ക്കാ​രി​ൽ ചി​ല​രൊ​ക്കെ ഇ​ന്നും ജീ​വി​ക്കു​ന്നു​ണ്ട്. അ​വ​ര​ടെ​യൊ​ക്കെ ശ​രീ​ര​ത്തി​ല് അ​തി​ന്റെ അ​ട​യാ​ള​ങ്ങ​ളും ബാ​ക്കി​യു​ണ്ട്. പ​തി​ന​ഞ്ച് വ​യ​സ്സ് വ​രെ ഞാ​ൻ ഇ​ഞ്ചി​പ്പ​ണി​ക്കു പോ​യി. അ​ത് ഉ​ൻ​സൂ​ർ എ​ന്നു പ​റ​യു​ന്ന സ്ഥ​ല​ത്താ​യി​രു​ന്നു. അ​ന്ന് ഞാ​ൻ പ​ത്താം ക്ലാ​സി​ല് പ​ഠി​ക്കാ. പി​ന്നെ നി​ർ​ത്തി. ഞാ​ൻ ഏ​റ്റോം അ​വ​സാ​നം ഇ​ഞ്ചി​പ്പ​ണി​ക്ക​ല്ലാ​തെ അ​ടി​മ​പ്പ​ണി​ക്ക് പോ​യ​ത് ‘ശ​നി​വാ​ര​ശ​ന്തേ’ എ​ന്നു പ​റ​യു​ന്ന സ്ഥ​ല​ത്താ​യി​രു​ന്നു. നാ​ഗ​ർ​ഹോ​ള ഏ​രി​യ​യി​ലാ​ണ്. ക​പ്പ​ക്കൃ​ഷി​ക്ക് കാ​വ​ലി​ന് പോ​യ​താ. പ​ന്നി​യോ ആ​ന​യോ പോ​ലു​ള്ള മൃ​ഗ​ങ്ങ​ള് തോ​ട്ട​ങ്ങ​ളി​ലെ​ത്തി​യാ അ​വ​യെ ഓ​ടി​ക്ക​ലാ പ​ണി. അ​ടി​മ​യാ​ണ്. ന​മ്മ​ള് സം​സാ​രി​ക്കു​ന്നി​ല്ല. അ​വ​ര് പ​റ​യു​ന്ന​ത് കേ​ട്ടി​രി​ക്ക​ണം. അ​നു​സ​രി​ക്ക​ണം. ചെ​ല​പ്പോ അ​വ​ര് ത​ല്ലും, തെ​റി പ​റ​യും:
ആ​രാ​ണ് ബേ​ത്തി​മാ​ര​ൻ? മാ​താ​പി​താ​ക്ക​ൾ ഇ​ട്ട ഈ ​പേ​ര് പി​ന്നീ​ട് സ്‌​കൂ​ളി​ൽ മാ​ഷ് തി​രു​ത്തി സു​കു​മാ​ര​ൻ എ​ന്നാ​ക്കി. ത​ന്റെ പേ​ര് മാ​റ്റി​യ​തി​ൽ അ​ന്നേ അ​ദ്ദേ​ഹം പ്ര​തി​ഷേ​ധി​ക്കു​ന്നു​ണ്ട്. ഈ ​പേ​രു​മാ​റ്റം പൊ​തു​ബോ​ധ​വും വി​ദ്യാ​ഭ്യാ​സ സ​മ്പ്ര​ദാ​യ​വും എ​ങ്ങ​നെ ഗോ​ത്ര മ​നു​ഷ്യ​രെ ക​ണ്ടു എ​ന്ന​തി​ന്റെ ഏ​റ്റ​വും ശ​ക്ത​മാ​യ ഉ​ദാ​ഹ​ര​ണ​മാ​ണ്. ആ​ദി​വാ​സി​ക​ളെ സം​ബ​ന്ധി​ച്ച് മ​ല​യാ​ളം മീ​ഡി​യ​ത്തി​ലു​ള്ള പ​ഠ​നം മാ​തൃ​ഭാ​ഷ​യി​ലു​ള്ള പ​ഠ​ന​മ​ല്ലെ​ന്നും ഇ​ക്കാ​ല​മ​ത്ര​യാ​യി​ട്ടും കേ​ര​ള​ത്തി​ലെ വി​ദ്യാ​ഭ്യാ​സ വ​കു​പ്പി​ന് മ​ന​സ്സി​ലാ​യി​ട്ടി​ല്ല. ആ ​സ​ങ്കീ​ർ​ണ​ത അ​ഭി​സം​ബോ​ധ​ന ചെ​യ്യ​പ്പെ​ട്ടി​ട്ടു​മി​ല്ല. ക്ലാ​സി​ൽ വേ​ലി​ത​ത്ത എ​ന്നു പ​ഠി​പ്പി​ച്ച​ത് ത​നി​ക്ക് ആ​ദ്യം മ​ന​സ്സി​ലാ​യി​രു​ന്നി​ല്ല എ​ന്ന് സു​കു​മാ​ര​ൻ പ​റ​യു​ന്നു. ഗോ​ത്ര​ഭാ​ഷ​യി​ൽ ‘പൊ​ലു​മ്പെ’ എ​ന്നാ​ണ് ഈ ​പ​ക്ഷി​യെ വി​ളി​ക്കു​ക. പ​ക്ഷേ ക്ലാ​സ് മു​റി​യി​ൽ ആ ​വാ​ക്കി​ന് നി​രോ​ധ​ന​മാ​യി​രു​ന്നു. അ​രി​പ്രാ​വ് ഗോ​ത്ര​ഭാ​ഷ​യി​ൽ ‘തോ​രെ’യാ​ണ്. പ​ക്ഷേ ആ ​വാ​ക്കും സ്‌​കൂ​ളി​ൽ നി​രോ​ധി​ക്ക​പ്പെ​ട്ടു. ഇ​ത്ത​ര​ത്തി​ലു​ള്ള ഉ​ദാ​ഹ​ര​ണ​ങ്ങ​ളി​ലൂ​ടെ, അ​നു​ഭ​വ​ങ്ങ​ളി​ലൂ​ടെ സു​കു​മാ​ര​ൻ ഇ​ങ്ങ​നെ പ​റ​യു​ന്നു: വ​യ​നാ​ട്ടി​ലെ കു​റു​വ ദ്വീ​പി​ന​ടു​ത്ത് ക​ബ​നി​പ്പു​ഴ​യു​ടെ ഓ​രം ചേ​ർ​ന്നാ​ണ് ചാ​ലി​ഗ​ദ്ധ. വ​ന​പ്ര​ദേ​ശ​മാ​യ അ​വി​ടെ ഊ​രു​ക​ളി​ലാ​യി ആ​ദി​വാ​സി സ​മു​ദാ​യ​ത്തി​ലെ റാ​വു​ള​ക്കാ​രാ​യ ഞ​ങ്ങ​ള് കൊ​റ​ച്ച് മ​നു​ഷ്യ​ര് ജീ​വി​ക്കു​ന്നു​ണ്ട്. കാ​ടും കാ​ന്താ​രി​യും മൃ​ഗ​ങ്ങ​ളു​മാ​യി ക​ഴി​യു​ന്ന ഞ​ങ്ങ​ൾ​ക്ക് സ്വ​ന്ത​മാ​യി ഭാ​ഷ​യു​മു​ണ്ട്: ആ ​ഭാ​ഷ​യെ സ്‌​കൂ​ളു​ക​ൾ എ​ങ്ങ​നെ കൈ​കാ​ര്യം ചെ​യ്തു​വെ​ന്ന​തി​ന്റെ അ​നു​ഭ​വ​മാ​ണ് മു​മ്പ് ഉ​ദാ​ഹ​രി​ച്ച​ത്. മാ​തൃ​ഭാ​ഷ സം​സ്‌​ക്കാ​ര​ത്തി​ന്റെ അ​ടി​പ്പ​ട​വാ​ണെ​ന്ന ഉ​റ​ച്ച ബോ​ധ്യം സു​കു​മാ​ര​നു​ണ്ട്. അ​ത​ദ്ദേ​ഹം ആ​വ​ർ​ത്തി​ച്ച് ഊ​ന്നി​പ്പ​റ​യു​ന്നു​ണ്ട്.

ആ​ദി​വാ​സി ഭ​ക്ഷ​ണ​ത്തെ​ക്കു​റി​ച്ച് സു​കു​മാ​ര​ൻ എ​ഴു​തു​ന്നു: കേ​ര​ള​ത്തി​ലെ ആ​ദി​വാ​സി​ക​ള് ന​ല്ല വൃ​ത്തി​യു​ള്ള ഭ​ക്ഷ​ണം ക​ഴി​ക്കു​ന്ന​വ​രാ​ണ്. ഇ​ല​ക്ക​റി​ക​ള്, പു​ഴ​യി​ൽ നി​ന്ന് പി​ടി​ക്കു​ന്ന മീ​നു​ക​ൾ, ഞ​ണ്ട്, കാ​ട്ടു​ചേ​മ്പ്, പു​ഴ​ടെ ഉ​ള്ളി​ലെ താ​ള്, കാ​ട്ടു​പ​ഴ​ങ്ങ​ള്, മു​ള​ക്കൂ​മ്പ് ഇ​തൊ​ക്കെ ന​ല്ല പോ​ഷ​ക​മു​ള്ള ആ​ഹാ​ര​ങ്ങ​ളാ​ണ്. ഇ​പ്പോ ആ​ഗ്ര​ഹി​ക്കു​ന്ന മൃ​ഗ​ങ്ങ​ളെ ഞാ​ൻ ക​വി​ത​യി​ലൂ​ടെ മാ​ത്ര​മാ​ണ് തി​ന്നു​ന്ന​ത്. അ​ല്ലാ​തെ​യാ​ണെ​ങ്കി പോ​ലീ​സ് കേ​സാ​വും. പ​ഴ​യ ആ​ദി​വാ​സി ജീ​വി​തം ക​വി​ത​യി​ലൂ​ടെ വീ​ണ്ടെ​ടു​ക്കാ​നെ പ​റ്റൂ. ഇ​ത്ര​യും വാ​ക്കു​ക​ൾ ഭ​ക്ഷ​ണ​ത്തെ​ക്കു​റി​ച്ചു​ള്ള ഒ​രു കാ​ല​ത്തെ സ്വ​യം പ​ര്യാ​പ്ത​ത​യി​ലേ​ക്ക് വി​ര​ൽ ചൂ​ണ്ടു​ന്നു. ഒ​പ്പം ഇ​തി​ൽ നി​ന്നും പു​റ​ത്താ​ക്ക​പ്പെ​ടു​മ്പോ​ൾ ആ ​ഭ​ക്ഷ​ണം ന​ഷ്ട​മാ​കു​ന്ന​തി​നെ​ക്കു​റി​ച്ചും അ​ദ്ദേ​ഹം വ്യ​ക്ത​മാ​ക്കു​ന്നു.

ക​വി​യാ​യി രൂ​പാ​ന്ത​ര​പ്പെ​ട്ട ത​ന്റെ ജീ​വി​ത​ത്തെ​ക്കു​റി​ച്ച് എ​ത്ര​യും ആ​ഹ്‌​ളാ​ദ​ത്തോ​ടെ, ആ​ഘോ​ഷ​പൂ​ർ​വം സു​കു​മാ​ര​ൻ എ​ഴു​തു​ന്നു. സ്‌​കൂ​ളി​ൽ നോ​ട്ടുബു​ക്കി​ൽ എ​ഴു​തി​ത്തു​ട​ങ്ങി​യ ക​വി​ത​ക​ൾ പി​ന്നീ​ട് പി​ന്നീ​ട് ത​നി​ക്ക് എ​ങ്ങ​നെ ആ​ത്മ​വി​ശ്വാ​സം പ​ക​ർ​ന്നു എ​ന്നും ക​വി​ത​യി​ലൂ​ടെ​യാ​ണ് താ​ൻ വി​മോ​ചി​പ്പി​ക്ക​പ്പെ​ടു​ന്ന​തെ​ന്നും സു​കു​മാ​ര​ൻ വ്യ​ക്ത​മാ​ക്കു​ന്നു.

ക​വി​യാ​യ​തി​നോ​ടു​ള്ള പ​ല പ്ര​തി​ക​ര​ണ​ങ്ങ​ളെ അ​ദ്ദേ​ഹം ഇ​ങ്ങ​നെ അ​വ​ത​രി​പ്പി​ച്ചി​ട്ടു​ണ്ട്: ട്രൈ​ബ​ലാ​യ​ത് കൊ​ണ്ട് നി​ങ്ങ​ക്കൊ​ക്കെ വേ​ഗം എ​ഴു​താ​ൻ കി​ട്ടും എ​ന്നൊ​ക്കെ പ​ല​രും പ​റ​യും. അ​തു​പോ​ലെ ‘നീ​യൊ​ക്കെ ആ​ദി​വാ​സി​യാ​യ​ത് കൊ​ണ്ട​ല്ലേ കേ​ര​ള സാ​ഹി​ത്യ​ത്തി​ല് കേ​റാ​ൻ പ​റ്റി​യ​ത് ’​എ​ന്ന് പ​റ​യു​ന്നു​വ​രു​മു​ണ്ട്. സാ​ഹി​ത്യ​ത്തി​ലെ​വി​ടാ സം​വ​ര​ണം ഉ​ള്ളേ? എ​ന്നാ പി​ന്നെ ഞ​ങ്ങ​ൾ​ക്കെ​ല്ലാ​വ​ർ​ക്കും എ​ഴു​തി​ക്കൂ​ടെ? എ​ഴു​ത്ത് ന​ല്ല​താ​ണെ​ങ്കി ന​മ്മെ സ്വീ​ക​രി​ക്കും. ഞാ​ൻ പ​ണ്ടു മു​ത​ലെ ഇ​തൊ​ന്നും നോ​ക്കാ​ൻ പോ​കാ​റി​ല്ല. ‘നി​ന്റെ ക​വി​ത ശ​രി​യ​ല്ല’, ‘ഇ​ത് എ​ഴു​തി​യാ നി​ന​ക്ക് എ​ന്തു കി​ട്ടും’ എ​ന്നൊ​ക്കെ ത​ള​ർ​ത്തു​ന്ന​വ​രു​ണ്ട്. ഞാ​ൻ പ​റ​യും ‘എ​നി​ക്ക് സു​ഖം കി​ട്ടു​ന്നു​ണ്ട് ’ എ​ന്ന്. എ​ന്നേ​ക്കാ​ൾ മു​ന്നേ​യു​ള്ള എ​ഴു​ത്തു​കാ​ർ എ​ത്ര ക​ഷ്ട​പ്പെ​ട്ടി​ട്ടു​ണ്ട്. ഗ്രാ​മ​പ്ര​ദേ​ശ​ങ്ങ​ളി​ലെ വി​ദ്യാ​സ​മ്പ​ന്ന​ർ ഉ​ണ്ട​ല്ലോ ജാ​തി​വാ​ല് കൊ​ണ്ട് വ​ലി​യ​വ​രാ​ണെ​ന്നു വി​ചാ​രി​ക്കു​ന്ന​വ​ർ, അ​വ​ർ​ക്കാ​ണ് ഏ​റ്റ​വും കൂ​ടു​ത​ൽ ക​ളി​യാ​ക്കു​ന്ന​തി​ന്റെ സു​ഖം കി​ട്ടു​ന്ന​ത്. വീ​ടി​ന്റെ തി​ണ്ണ​യി​ൽ വ​ന്നി​രു​ന്നു വ​രെ ക​ളി​യാ​ക്കി​യി​ട്ടു​ണ്ട്. പി​ന്നെ ചി​ല സ്ഥ​ല​ങ്ങ​ളി​ലൊ​ക്കെ പ​രി​പാ​ടി​ക്ക് പോ​വു​മ്പോ വേ​ർ​തി​രി​ച്ച് കാ​ണു​ന്ന പോ​ലെ തോ​ന്നാ​റു​ണ്ട്. എ​ന്തൊ​ക്കെ​യാ​ലും ഇ​നി​യും എ​ഴു​തി​ക്കൊ​ണ്ടി​രി​ക്കും: എ​ഴു​തു​ക, എ​ഴു​ത്തു​കാ​ര​നാ​യി​രി​ക്കു​ക എ​ന്ന ഉ​റ​പ്പി​ലാ​ണ് സു​കു​മാ​ര​ൻ ചാ​ലി​ഗ​ദ്ധ​യു​ടെ ഓ​രോ നി​മി​ഷ​വും ക​ട​ന്നു​പോ​കു​ന്ന​ത്. അ​തു​കൊ​ണ്ടാ​ണ് ഈ ​പു​സ്ത​കം സ​ർ​ഗാ​ത്മ​ക​ത​യു​ടെ ആ​ഘോ​ഷ​ത്തെ പ​ല​യി​ട​ങ്ങ​ളി​ലാ​യി പ​ങ്കു​വ​യ്ക്കു​ന്ന​തും.

പു​സ്ത​ക​ത്തി​ന്റെ ആ​മു​ഖ​ത്തി​ൽ സു​കു​മാ​ര​ൻ ക​വി​ത​യെ പി. ​രാ​മ​ൻ ഇ​ങ്ങ​നെ നി​രീ​ക്ഷി​ക്കു​ന്നു: ആ​ദി​വാ​സി ഗോ​ത്ര​ത്തി​ൽ നി​ന്നു​ള്ള ഒ​രു ക​വി ഇ​ങ്ങ​നെ​യെ​ല്ലാ​മാ​ണ് എ​ഴു​തേ​ണ്ട​ത് എ​ന്ന​തി​നെ​പ്പ​റ്റി പു​റ​ത്തു​നി​ന്നു​ള്ള​വ​ർ​ക്ക് ചി​ല മു​ൻ​ധാ​ര​ണ​ക​ളു​ണ്ട്. ഈ ​മു​ൻ​ധാ​ര​ണ​ക​ളെ​യെ​ല്ലാം ത​ക​ർ​ക്കു​ന്ന​വ​യാ​ണ് പൊ​തു​വേ ഗോ​ത്ര ഭാ​ഷാ ക​വി​ത​ക​ൾ, സു​കു​മാ​ര​ന്റേ​ത് വി​ശേ​ഷി​ച്ചു​മ​തെ. സാം​സ്‌​ക്കാ​രി​ക​വും സാ​മ്പ​ത്തി​ക​വും പാ​രി​സ്ഥി​തി​ക​വു​മാ​യ അ​പ​ച​യ​ങ്ങ​ളെ​പ്പ​റ്റി സു​കു​മാ​ര​ൻ ധാ​രാ​ള​മാ​യി ത​ന്റെ ക​വി​ത​ക​ളി​ലെ​ഴു​തു​ന്നു​ണ്ട്. എ​ന്നാ​ൽ അ​ത​ങ്ങ​നെ​യാ​യി​രി​ക്കു​മ്പോ​ഴും
പു​റം​ലോ​കം പ്ര​തീ​ക്ഷി​ക്കു​ന്ന ത​ര​ത്തി​ൽ ഒ​രു പ്ര​തി​ഷേ​ധ മു​ദ്രാ​വാ​ക്യ​മാ​കു​ന്നി​ല്ല ഈ ​ക​വി​യു​ടെ എ​ഴു​ത്ത്. അ​ടി​മു​ടി സൗ​ന്ദ​ര്യാ​ത്മ​ക​മാ​ണ​ത്, ആ​ന​ന്ദാ​ത്മ​ക​വു​മാ​ണ്. സ്വ​ത​ന്ത്ര ജീ​വി​ത​ത്തി​ന്റെ കു​ളി​ർ​കാ​റ്റ് ഈ ​ക​വി​ത​ക​ളി​ൽ വീ​ശി​പ്പ​ട​രു​ന്നു​ണ്ട്. ന​ഗ​ര​ത്തി​ലെ​ത്തി​യാ​ലും സു​കു​മാ​ര​ൻ ഭാ​ഷ കൊ​ണ്ടൊ​രു കാ​ടൊ​രു​ക്കും:

ക​വി​ത തോ​ട്ട​മ​ല്ല, കാ​ടാ​ണെ​ന്ന ആ​റ്റൂ​ർ ര​വി​വ​ർ​മ​യു​ടെ അ​ഭി​പ്രാ​യ​ത്തോ​ട് കൂ​ട്ടി​വാ​യി​ക്കു​മ്പോ​ൾ സു​കു​മാ​ര​ൻ ഭാ​ഷ കൊ​ണ്ടു​ണ്ടാ​ക്കു​ന്ന കാ​ടി​ന്റെ വൈ​പു​ല്യം കൂ​ടു​ത​ൽ ആ​ഴ​ത്തി​ൽ അ​നു​ഭ​വി​ച്ച​റി​യാ​ൻ സാ​ധി​ച്ചേ​ക്കും. ക​വി​ത​യി​ലും എ​ഴു​ത്തി​ലും ചി​ന്ത​യി​ലും ജീ​വി​ത​ത്തി​ലും മ​റ്റ് ഏ​ജ​ൻ​സി​ക​ളും സ​ഹാ​യി​ക​ളു​മി​ല്ലാ​തെ സ്വ​യം ഉ​റ​ച്ചു​നി​ൽ​ക്കാ​ൻ ഗോ​ത്ര ജ​ന​ത​ക്ക് എ​ങ്ങ​നെ ക​ഴി​യ​ണ​മെ​ന്നു കൂ​ടി അ​ങ്ങേ​യ​റ്റം വ്യ​ക്ത​ത​യോ​ടെ പ്ര​തി​പാ​ദി​ക്കു​ന്ന പു​സ്ത​കം കൂ​ടി​യാ​ണ് ‘ബേ​ത്തി​മാ​ര​ൻ’. അ​ങ്ങ​നെ സാം​സ്‌​ക്കാ​രി​ക ച​രി​ത്ര​ത്തി​ൽ ഏ​റ്റ​വും തെ​ളി​ച്ചം ന​ൽ​കു​ന്ന അ​ധ്യാ​യ​മാ​യി ഈ ​പു​സ്ത​കം പ്ര​വ​ർ​ത്തി​ക്കു​ന്നു. എ​ഡി​റ്റി​ങും ട്രാ​ൻ​സ്‌​ക്രി​പ്ഷ​നും നി​ർ​വ​ഹി​ച്ച ശ്രു​തി ടി.​എ ആ ​ജോ​ലി ഭം​ഗി​യാ​ക്കി​യി​ട്ടു​ണ്ട്. ആ​ത്മ​ക​ഥ​ക​ളു​ടെ ച​രി​ത്ര​ത്തി​ലേ​ക്ക് പു​തി​യ സം​വാ​ദ​ച്ചു​വ​ടു​ക​ളു​മാ​യി ഈ ​പു​സ്ത​കം ന​ട​ന്നു ക​യ​റും എ​ന്നു​റ​പ്പി​ക്കാം.
•