തൊടുപുഴ: തൊടുപുഴ മങ്ങാട്ടുകവലയില്‍ ഇതര സംസ്ഥാന തൊഴിലാളിക്ക് മര്‍ദ്ദനം. ഹോട്ടല്‍ തൊഴിലാളിയായ ആസ്സാം സ്വദേശി നൂര്‍ ഷഹീനാണ് മര്‍ദ്ദനമേറ്റത്.

ഹോട്ടലില്‍ ഭക്ഷണം കഴിക്കാന്‍ എത്തിയവരാണ് ഹോട്ടല്‍ തൊഴിലാളിയെ മര്‍ദിച്ചത്. മര്‍ദ്ദനത്തിന്റെ സി.സി ടിവി ദൃശ്യങ്ങള്‍ പുറത്തു വന്നു.

കഴിച്ച ഭക്ഷണത്തിന്റെ ബാക്കി പാര്‍സല്‍ ചെയ്യുന്നതുമായി ബന്ധപ്പെട്ടുണ്ടായ തര്‍ക്കമാണ് മര്‍ദ്ദനത്തില്‍ കലാശിച്ചത്.