തൃശൂര്‍: വടക്കാഞ്ചേരി കുണ്ടന്നൂര്‍ ചുങ്കത്ത് നിയന്ത്രണം വിട്ട കോളജ് ബസ് ഹോട്ടലിലേക്ക് ഇടിച്ചു കയറിയുണ്ടായ അപകടത്തില്‍ സാരമായി പരുക്കേറ്റ് ചികിത്സയിലായിരുന്ന ഹോട്ടല്‍ ജീവനക്കാരി മരിച്ചു. ഗുരുതരമായി പരിക്കേറ്റ മാങ്ങാട് സ്വദേശി സരള (38)യാണ് ആശുപത്രിയില്‍ മരിച്ചത്.

ഇന്ന് രാവിലെ ഒമ്പത് മണിയോടെയായിരുന്നു അപകടം. മലബാര്‍ എഞ്ചിനീയറിങ് കോളജിന്റെ ബസ് ആണ് അപകടത്തില്‍പെട്ടത്. ഡ്രൈവര്‍ക്ക് തലചുറ്റിയതോടെ നിയന്ത്രണം വിട്ട ബസ് ഹോട്ടലിലേക്ക് പാഞ്ഞുകയറുകയായിരുന്നു. പരുക്കേറ്റവരില്‍ അഞ്ച് പേര്‍ ആശുപത്രിയില്‍ ചികിത്സയിലാണ്.