നവകേരള സദസിനെതിരെ മാവോയിസ്റ്റ് ഭീഷണി; പൊലിസ് അന്വേഷണം ആരംഭിച്ചു

കോഴിക്കോട്: കോഴിക്കോട് നടക്കുന്ന നവ കേരള സദസിനെതിരെ മാവോയിസ്റ്റുകളുടെ പേരില്‍ ഭീഷണി കത്ത്. വയനാട് ദളത്തിന്റെ പേരില്‍ ജില്ലാ കളക്ടര്‍ക്കാണ് ഭീഷണിക്കത്ത് കിട്ടിയത്.

നക്‌സലുകളെ കൊന്നൊടുക്കുന്ന കുത്തകമുതലാളിമാര്‍ക്ക് കീഴടങ്ങിയ പിണറായിസര്‍ക്കാരിന് നവകേരളസദസ്സില്‍ ശക്തമായ മറുപടി നല്‍കാന്‍ ആഹ്വാനംചെയ്യുന്നതാണ് കത്തിന്റെ ഉള്ളടക്കം. ഭീഷണിയുടെ പശ്ചാത്തലത്തില്‍ നവകേരള സദസിന് പൊലിസ് സുരക്ഷ ശക്തമാക്കി. കത്തിന്റെ ഉടവിടം കണ്ടെത്താന്‍ രഹസ്യാന്വേഷണവിഭാഗത്തിന്റെ നേതൃത്വത്തില്‍ അന്വേഷണം ആരംഭിച്ചു.