തിരുവനന്തപുരം: ക്രിസ്മസ് അവധിക്കാലം കണക്കിലെടുത്ത് രണ്ട് സ്‌പെഷ്യല്‍ ട്രെയിനുകള്‍ കൂടി അനുവദിച്ചു.കൊച്ചുവേളി മൈസൂരു റൂട്ടിലാണ് സ്‌പെഷ്യല്‍ ട്രെയിനുകള്‍ അനുവദിച്ചത്. മൈസൂരു ജംഗ്ക്ഷന്‍ കൊച്ചുവേളി സ്‌പെഷ്യല്‍ ട്രെയിന്‍ നാളെയും 25നും സര്‍വീസ് നടത്തും. കൊച്ചുവേളിമൈസൂരു ജംഗ്ക്ഷന്‍ സ്‌പെഷ്യല്‍ ട്രെയിന്‍ 24നും, 26നുമാണ് സര്‍വീസ് നടത്തുക. അവധിക്കാല യാത്ര തിരക്ക് കണക്കിലെടുത്താണ് സ്‌പെഷ്യല്‍ ട്രെയിനുകള്‍ അനുവദിച്ചത്.

കേരളത്തിലേക്ക് 51 സ്‌പെഷ്യല്‍ ട്രെയിനുകള്‍ നേരത്തെ അനുവദിച്ചിരുന്നു. ക്രിസ്മസ്, ന്യൂ ഇയര്‍ സമയത്തെ യാത്രാ ക്ലേശം പരിഹരിക്കാന്‍ ദക്ഷിണ റെയില്‍വേ അനുവദിച്ച സ്‌പെഷ്യല്‍ ട്രെയിനുകള്‍ ഇന്ന് മുതല്‍ ഓടിത്തുടങ്ങി. എറണാകുളം ജംഗ്ക്ഷന്‍ ചെന്നൈ, ചെന്നൈ എഗ്മോര്‍ കൊല്ലം, എറണാകുളം ജംഗ്ക്ഷന്‍വേളാങ്കണി,എറണാകുളം ജംഗ്ക്ഷന്‍ താമ്പ്രം റൂട്ടുകളിലും തിരിച്ചുമാണ് സ്‌പെഷ്യല്‍ ട്രെയിനുകള്‍.

പാലക്കാട് വഴിയും ചെങ്കോട്ട വഴിയുമാണ് അധിക ട്രെയിനുകള്‍. ആകെ 51 സ്‌പെഷ്യല്‍ ട്രെയിനുകളാണ് ക്രിസ്മസ്, ന്യൂ ഇയര്‍ കാലത്ത് കേരളത്തിനായി അനുവദിച്ചിട്ടുള്ളത്. ഇന്ന് മുതല്‍ ജനുവരി 2 വരെയാണ് സ്‌പെഷ്യല്‍ ട്രെയിനുകളുടെ സര്‍വീസ്.