മൈസൂരു: കര്‍ണാടകയില്‍ അജ്ഞാതര്‍ ക്രിസ്ത്യന്‍ പള്ളി തകര്‍ത്തു. കര്‍ണാടകയിലെ മൈസൂരുവിലാണ് സംഭവം. പള്ളിക്കകത്തെ ബേബി ജീസസിനേയും അക്രമികള്‍ നശിപ്പിച്ചു. സംഭവത്തെ കുറിച്ച് പൊലിസ് അന്വേഷണം ആരംഭിച്ചു.

സിസിടിവി ദൃശ്യങ്ങള്‍ കേന്ദ്രീകരിച്ചാണ് അന്വേഷണം. പള്ളിയുടെ വാതില്‍ തകര്‍ത്താണ് അക്രമികള്‍ അകത്തു കടന്നത്. മോഷണ ശ്രമമാണെന്നാണ് പ്രഥമിക നിഗമനമെന്ന് പൊലിസ് പറഞ്ഞു. പള്ളിക്കുള്ളില്‍ നിന്ന് പണം മോഷണം പോയിട്ടുണ്ട്. പുറത്തെ നേര്‍ച്ചപ്പെട്ടിയും നഷ്ടപ്പെട്ടിട്ടുണ്ട്- പൊലിസ് വ്യക്തമാക്കി.

അതേസമയം, നേരത്തെയും സംസ്ഥാനത്ത് ക്രിസ്ത്യന്‍ പള്ളികള്‍ക്കും മിഷണറികള്‍ക്കും നേരെ അക്രമങ്ങള്‍ ഉണ്ടായിട്ടുണ്ട്. മതപരിവര്‍ത്തനം ആരോപിച്ച് സംഘ്പരിവാറാണ് ആക്രമണം അഴിച്ചു മിട്ടത്. കഴിഞ്ഞ വെള്ളിയാഴ്ച ക്രിസ്മസ് ആഘോഷങ്ങള്‍ക്കു നേരെയും സംഘ്പരിവാര്‍ ആക്രമണം ഉണ്ടായിരുന്നു.