കല്‍പ്പറ്റ: വയനാട് വാകേരിയിലെ ജനവാസ മേഖലയിലിറങ്ങിയ കടുവയെ ചത്തനിലയില്‍ കണ്ടെത്തി. വാകേരി ഗാന്ധിനഗറിലെ കാട് മൂടി കിടക്കുന്ന എസ്റ്റേറ്റിലാണ് കടുവയുടെ ജഡം കണ്ടെത്തിയത്. പ്രായം കൂടുതലുള്ള കടുവ അവശനിലയിലായിരുന്നുവെന്ന് പ്രദേശവാസികള്‍ അറിയിച്ചിരുന്നു. കാലിന് പരുക്കേറ്റതിനാല്‍ നടക്കാനും പ്രയാസം നേരിട്ടിരുന്നു. ജഡം ബത്തേരിയിലെ പരിശോധന കേന്ദ്രത്തിലേക്ക് മാറ്റി. ജനവാസ മേഖലയിലെത്തിയ കടുവയെ മയക്കുവെടിവെച്ച് പിടികൂടാന്‍ ചീഫ് വൈല്‍ഡ് ലൈഫ് വാര്‍ഡന്‍ അനുമതി നല്‍കിയിരുന്നു.