തെഹ്‌റാന്‍: ഇറാന്‍ പ്രസിഡന്റ് തെരഞ്ഞെടുപ്പില്‍ 12 വര്‍ഷത്തിന് ശേഷം മുന്‍ പ്രസിഡന്റ് മഹ് മൂദ് അഹ്്മദി നെജാദ് മത്സരിക്കുന്നു. ഈ മാസം 28 ന് നടക്കുന്ന പ്രസിഡന്റ് തെരഞ്ഞെടുപ്പിന് വേണ്ടി അദ്ദേഹം നാമനിര്‍ദേശപത്രിക സമര്‍പ്പിച്ചു. 

നെജാദിന് നേരത്തെ മത്സരിക്കാന്‍ വിലക്കുണ്ടായിരുന്നു. ഈമാസം 11നാണ് അന്തിമ നാമനിര്‍ദേശ പത്രിക പുറത്തുവരിക. 2017ലാണ് നെജാദിന് തെരഞ്ഞെടുപ്പില്‍ മത്സരിക്കാന്‍ ഗാര്‍ഡിയന്‍ കൗണ്‍സില്‍ വിലക്കേര്‍പ്പെടുത്തിയത്. ഗാര്‍ഡിയന്‍ കൗണ്‍സിലിന്റെ മേല്‍നോട്ടത്തിലാണ് തെരഞ്ഞെടുപ്പ് നടക്കുന്നത്.