സൂപ്പര്‍മാര്‍ക്കറ്റിലേക്ക് കയറുമ്പോള്‍ തന്നെ ആരോഗ്യത്തിന് നല്ലത് എന്ന ലേബലുള്ള ഭക്ഷണവസ്തുക്കള്‍ തെരഞ്ഞെടുക്കാനാണ് നമ്മള്‍ ശ്രദ്ധിക്കാറുള്ളത്. 

എന്താണ് സൂപ്പര്‍ഫുഡുകള്‍?

ആന്റി ഓക്‌സിഡന്റുകള്‍, നാരുകള്‍ അല്ലെങ്കില്‍ ഫാറ്റി ആസിഡുകള്‍ പോലുള്ള അവശ്യ സംയുക്തങ്ങള്‍ നിറഞ്ഞ സാധാരണ ഭക്ഷണങ്ങളാണ് സൂപ്പര്‍ഫുഡുകള്‍, അവ ഒരു വ്യക്തിയുടെ ആരോഗ്യത്തിന് ഗുണം ചെയ്യും. അവ പോഷകഗുണമുള്ളതും കുറച്ച് കലോറി അടങ്ങിയതുമാണ്, അതിനാല്‍ ഇവ കഴിക്കുന്നത് നിങ്ങളുടെ മൊത്തത്തിലുള്ള ആരോഗ്യം മെച്ചപ്പെടുത്തും

എന്നാല്‍ നിങ്ങള്‍ക്ക് അവശ്യ പോഷകങ്ങള്‍ നല്‍കുമെന്ന് കരുതി കഴിക്കുന്ന ചില ഭക്ഷണങ്ങളില്‍ ഒന്നോ അതിലധികമോ അനാവശ്യ ചേരുവകള്‍ അടങ്ങിയിട്ടുണ്ടാവാം. അങ്ങനെ നിങ്ങളറിയാതെ നിങ്ങള്‍ക്ക് ദോഷകരമാകുന്ന മൂന്ന് സൂപ്പര്‍ ഫുഡുകളെ പരിചയപ്പെടുത്താം. 

1. ഗ്രീന്‍ ടീ

കേട്ടാല്‍ ഞെട്ടിയേക്കാമെങ്കിലും, ശരീരഭാരം കുറയ്ക്കുന്നതിനുള്ള ഒരു സൂപ്പര്‍ഫുഡായി എപ്പോഴും അറിയപ്പെടുന്നതിനാല്‍, നിരവധി ആളുകള്‍ അവരുടെ മൊത്തത്തിലുള്ള ആരോഗ്യം സംരക്ഷിക്കുവാനും ഒരു കപ്പ് ഗ്രീന്‍ ടീ കുടിക്കാറുണ്ട്. എന്നാല്‍, വിദഗ്ദ്ധരുടെ അഭിപ്രായത്തില്‍, ഗ്രീന്‍ ടീ കുടിക്കുന്നത് ഒരിക്കലും നിങ്ങളുടെ തടി കുറയ്ക്കാനോ, വയറ്റിലെ കൊഴുപ്പ് കുറയ്ക്കാനോ അല്ലെങ്കില്‍ അവയിലുള്ള സൂക്ഷ്മ പോഷകങ്ങള്‍ ഉപയോഗിച്ച് നിങ്ങളുടെ ആരോഗ്യം മാറ്റാനോ പോകുന്നില്ല.

2. പാക്ക് ചെയ്ത ജ്യൂസുകള്‍

ജ്യൂസുകളില്‍ പോഷകങ്ങള്‍ ഉണ്ടെങ്കിലും അത് സംസ്‌കരിക്കുന്നതിലൂടെ നാരുകള്‍ നീക്കം ചെയ്യപ്പെടുന്നു. പായ്ക്ക് ചെയ്ത ജ്യൂസുകളില്‍ പഞ്ചസാര, കൃത്രിമ നിറങ്ങള്‍, എമല്‍സിഫയറുകള്‍ എന്നിവ അടങ്ങിയിട്ടുണ്ട്, ഇത് ആരോഗ്യത്തിന്, പ്രത്യേകിച്ച് കുട്ടികളുടെ ആരോഗ്യത്തിന് ഹാനികരമാണ്. നിങ്ങള്‍ക്ക് പഴത്തിന്റെ ഗുണം ലഭിക്കണമെങ്കില്‍, പഴങ്ങള്‍ ജ്യൂസ് ആക്കുന്നതിനുപകരം മൊത്തത്തില്‍ കഴിക്കാന്‍ പോഷകാഹാര വിദഗ്ധര്‍ നിര്‍ദ്ദേശിക്കുന്നു. 

3. ഹെല്‍ത്ത് ഡ്രിങ്കുകള്‍

വിപണിയില്‍ ലഭിക്കുന്ന ഹെല്‍ത്ത് ഡ്രിങ്കുകളില്‍ പാല്‍പ്പൊടിയും പഞ്ചസാരയും കൃത്രിമ രുചിയും അടങ്ങിയിട്ടുണ്ട്. അവ ചേര്‍ക്കുന്നതിലൂടെ പാല്‍ രുചികരമാക്കാന്‍ കഴിയുമെങ്കിലും, നിങ്ങള്‍ക്കോ നിങ്ങളുടെ കുട്ടിയുടെ മൊത്തത്തിലുള്ള ആരോഗ്യത്തിന് ആവശ്യമായ പോഷകങ്ങള്‍ അവ നല്‍കില്ല.