കണ്ണൂര്‍: കണ്ണൂരില്‍ കളരി പരിശീലന കേന്ദ്രത്തിലെത്തിയ വിദേശ വനിതയെ പീഡിപ്പിക്കാന്‍ ശ്രമിച്ച കളരി ഗുരുക്കള്‍ അറസ്റ്റില്‍. തോട്ടട സ്വദേശി സുജിത്ത് ഗുരുക്കളാണ് (53) അറസ്റ്റിലായത്. അമേരിക്കന്‍ വനിതയുടെ പരാതിയിലാണ് ഇയാളെ പൊലിസ് കസ്റ്റഡിയിലെടുത്തത്. 

കൊല്‍ക്കത്തയില്‍ താമസിക്കുന്ന ഇന്ത്യന്‍ പൗരത്വമുള്ള വിദേശ വനിതയാണ് ഇയാള്‍ക്കെതിരെ പരാതി നല്‍കിയത്. കഴിഞ്ഞ വര്‍ഷം നവംബര്‍ മുതല്‍ വിവിധ സമയങ്ങളില്‍ പീഡിപ്പിക്കാന്‍ ശ്രമിച്ചെന്നാണ് 42 കാരി പരാതിയില്‍ പറയുന്നത്. കണ്ണൂര്‍ ടൗണ്‍ ഇന്‍സ്‌പെക്ടര്‍ ശ്രീജിത്ത് കോടേരിയാണ് പ്രതിയെ പിടികൂടിയത്.