മനം പോലെ മാംഗല്യം എന്നൊക്കെ പറഞ്ഞാൽ ഇതാണ്, ഏഷ്യയിലെ തന്നെ ഏറ്റവും വലിയ സമ്പന്നരായ അംബാനി കുടുംബത്തിന്റെ കല്യാണാഘോഷങ്ങളുടെ പുറകെയാണ് മാധ്യമങ്ങളെല്ലാവരും. മുകേഷ് അംബാനിയുടെ ഇളയ മകൻ അനന്ത് അംബാനിയും വ്യവസായി വീരൻ മർച്ചൻ്റിൻറെ മകൾ രാധിക മർച്ചൻ്റുമായുള്ള വിവാഹം അങ്ങനെ അതിഗംഭീരമായി കലാശിച്ചു. സെലിബ്രിറ്റികൾ, വ്യവസായികൾ,  ബിസിനസ്സ് നേതാക്കൾ, സിഇഒമാർ, രാഷ്ട്രീയ വ്യക്തികൾ, എന്നിവരുൾപ്പെടെ ലോകമെമ്പാടുമുള്ള പ്രമുഖർ പങ്കെടുക്കുന്ന നിരവധി ചടങ്ങുകൾക്കയാണ് ഇരു കുടുംബങ്ങളും തയ്യാറെടുത്തിരുന്നത്. 

താരനിബിഡമായ വിവാഹത്തിന് മുമ്പുള്ള ആഘോഷങ്ങൾക്കായി ജസ്റ്റിൻ ബീബർ, കാറ്റി പെറി, റിഹാന തുടങ്ങിയ അന്താരാഷ്ട്ര സെലിബ്രറ്റികളെയായിരുന്നു മുകേഷ് അംബാനി തന്റെ ഇളയ മകനായ അനന്ത് അംബാനിയുടെ പ്രീ വെഡിങ്  ഫങ്ക്ഷന് വേണ്ടി മുംബയിൽ എത്തിച്ചത്. ഉയർന്ന അതിഥികളുടെ വരവ് കണക്കിലെടുത്ത്, അംബാനിമാർ ഗതാഗതത്തിനായി വിപുലമായ ക്രമീകരണങ്ങളായിരുന്നു സജ്ജമാക്കിയത്. മിൻ്റ്, ഇന്ത്യൻ എക്സ്പ്രസ്, ഹിന്ദുസ്ഥാൻ ടൈംസ്, മറ്റ് സ്രോതസ്സുകൾ വെളിപ്പെടുത്തുന്ന റിപ്പോർട്ടുകൾ പ്രകാരം, 9 ലക്ഷം കോടിയിലധികം ആസ്തിയുള്ള അംബാനിമാർ മുംബൈയിലെ വിവാഹ ചടങ്ങിലേക്ക് അതിഥികളെ കൊണ്ടുപോകാൻ മൂന്ന് ഫാൽക്കൺ 2000 ജെറ്റും, 100 വിമാനങ്ങൾ വരെയാണ് വാടകയ്ക്ക് എടുത്തത്.  

വിവാഹ ആഘോഷങ്ങളിൽ നൂറിലധികം സ്വകാര്യ വിമാനങ്ങൾ ഉപയോഗിക്കുമെന്ന് പ്രതീക്ഷിക്കുന്നതായും അദ്ദേഹം സൂചിപ്പിച്ചു. അതിഥികൾ എല്ലായിടത്തുനിന്നും വരുന്നവരായിരിക്കും, അതിനാൽ തന്നെ ഓരോ വിമാനവും രാജ്യത്തുടനീളം ഒന്നിലധികം യാത്രകൾ നടത്തേണ്ടി വരുമെന്ന് എയർ ചാർട്ടർ കമ്പനിയുടെ സിഇഒ രാജൻ മെഹ്‌റ വ്യക്തമാക്കി. 

മുകേഷും നിത അംബാനിയും തങ്ങളുടെ അതിഥികൾക്ക് മികച്ച പാചക ആനന്ദം സമ്മാനിക്കണം എന്ന് ഉറപ്പാക്കാൻ വളരെയധികം ശ്രമിച്ചിട്ടുണ്ട്. പാലക് ചാട്ട്, ചന കച്ചോരി, ആലു ടിക്കി ചാട്ട്, തക്കാളി ചാട്ട്, കുൽഫി തുടങ്ങിയ പലഹാരങ്ങൾ ഇതിനായി അതിഥികൾക്ക് നൽകിയിരുന്നു. പൊതുവെ അംബാനി കുടുബം ഭക്ഷണ പ്രിയരാണെന്നും അതിഥികളെ സൽക്കരിക്കാനായി പ്രത്യേകം ഒരു വിഭാഗം ആളുകളെ തന്നെ നിയമിക്കുമെന്നും നിത അംബാനി മാധ്യമങ്ങളോട് പറഞ്ഞു. 

ഗതാഗതക്കുരുക്ക് നിയന്ത്രിക്കുന്നതിനായി, മുംബൈ ട്രാഫിക് പോലീസ് ജൂലൈ 5-ന് ഒരു ട്രാഫിക് അഡൈ്വസറി പുറത്തിറക്കി. റൂട്ടുകളിൽ ജൂലായ് 12 മുതൽ ജൂലൈ 15 വരെ പ്രാബല്യത്തിൽ വരുന്ന വഴിതിരിച്ചുവിടലുകളും നിയന്ത്രിത പ്രവേശനവും ഉൾപ്പെടെയുള്ള പുതിയ ട്രാഫിക് നിയമങ്ങളുടെ രൂപരേഖ ഇതിനകം പുറത്തിറക്കി.  

അനന്ത് അംബാനിയുടെയും രാധിക മർച്ചൻ്റിൻ്റെയും മഹത്തായ വിവാഹം സുഗമമായി നടത്തണമെന്ന മാതാപിതാക്കളായ നിത അംബാനിയുടെയും മുകേഷ് അംബാനിയുടെയും ആഗ്രഹം സഫലീകരിച്ചു. ഒപ്പം ക്ഷണം സ്വീകരിച്ചെത്തിയ അവരുടെ ബഹുമാനപ്പെട്ട അതിഥികൾക്ക് അവിസ്മരണീയമായ അനുഭവം സമ്മാനിക്കാനും അംബാനി കുടുംബത്തിനായി.

content highlight : Mukesh Ambani hires 3 Falcon 2000 jets to fly 100 aircraft for Anant Radhika's wedding