ജക്കാർത്ത: ജപ്പാനിലെ ഷിൻമോഡേക്ക് അഗ്നിപർവ്വതത്തിനു പിന്നാലെ, കിഴക്കൻ ഇന്തോനേഷ്യയിലെ ഫ്ലോറസ് ദ്വീപിലുള്ള ലെവോട്ടോബി ലാക്കി ലാക്കി അഗ്നിപർവ്വതം സജീവമായി. 1,584 മീറ്റർ ഉയരമുള്ള ഈ അഗ്നിപർവ്വതം 18 കിലോമീറ്റർ ദൂരത്തേക്ക് ചാരം വ്യാപിപ്പിച്ചതായി റിപ്പോർട്ടുകൾ. ഇന്ന് പകൽ 11:05-നാണ് സ്ഫോടനം ആരംഭിച്ചതെന്ന് ഇന്തോനേഷ്യയുടെ അഗ്നിപർവ്വത ശാസ്ത്ര ഏജൻസി അറിയിച്ചു.

നിലവിൽ ആൾനാശം റിപ്പോർട്ട് ചെയ്തിട്ടില്ലെങ്കിലും, ബാലിയിലേക്കും തിരിച്ചുമുള്ള ഡസൻ കണക്കിന് വിമാനങ്ങൾ റദ്ദാക്കി. മഴക്കാലമായതിനാൽ, കനത്ത മഴ പെയ്താൽ ചാരവും ചളിയും അവശിഷ്ടങ്ങളും ചേർന്ന് ലഹാർ പ്രളയത്തിന് കാരണമാകുമെന്ന് മുന്നറിയിപ്പുണ്ട്. തുടർച്ചയായ ഭൂചലനങ്ങളും സ്ഫോടനങ്ങളും അഗ്നിപർവ്വതം ഉയർന്ന തോതിൽ സജീവമാണെന്ന് സൂചിപ്പിക്കുന്നു.

അഗ്നിപർവ്വതത്തിന്റെ 6 കിലോമീറ്റർ പരിധിയിലുള്ളവർ മാറിത്താമസിക്കാനും, മാസ്ക് ധരിച്ച് മാത്രം പുറത്തിറങ്ങാനും അധികൃതർ നിർദേശിച്ചു. കഴിഞ്ഞ നവംബറിൽ ഈ അഗ്നിപർവ്വതം പലതവണ പൊട്ടിത്തെറിച്ചപ്പോൾ 9 പേർ മരിക്കുകയും ആയിരക്കണക്കിന് ആളുകൾ പ്രദേശം വിട്ടുപോകേണ്ടി വരികയും ചെയ്തിരുന്നു.

'ലാക്കി ലാക്കി' എന്നാൽ ഇന്തോനേഷ്യൻ ഭാഷയിൽ 'പുരുഷൻ' എന്നും, അടുത്തുള്ള 'പെരെംപുവാൻ' അഗ്നിപർവ്വതത്തിന്റെ പേര് 'സ്ത്രീ' എന്നും അർത്ഥം വരുന്നു. പസഫിക് സമുദ്രത്തിലെ 'റിംഗ് ഓഫ് ഫയർ' എന്നറിയപ്പെടുന്ന ഭൂകമ്പ-അഗ്നിപർവ്വത സജീവ മേഖലയിലാണ് ഇന്തോനേഷ്യ സ്ഥിതി ചെയ്യുന്നത്.

Indonesia's Lewotobi Laki Laki volcano, located on Flores Island, erupted, spewing ash 18km into the sky, as reported by the volcanology agency. The eruption, starting at 11:05 AM, led to no reported casualties but caused the cancellation of numerous flights to and from Bali. Heavy rainfall could trigger lahar flooding, and continuous seismic activity indicates high volcanic activity. Authorities urged residents within a 6km radius to evacuate and wear masks outdoors.

Indonesia's rumbling Mount Lewotobi Laki Laki erupted on Monday, sending a column of volcanic materials as high as 18 kilometres into the sky and depositing ash on villages.
📷AP, AFP https://t.co/BvjZeVqTiM pic.twitter.com/NL85NpwG4b

— The Hindu (@the_hindu) July 7, 2025