റിയാദ്:സഊദി അറേബ്യ 2025-ൽ  നടക്കുന്ന പ്രഥമ ഇ-സ്പോർട്സ് ഒളിമ്പിക്സ് ഗെയിംസിന് വേദിയാകുമെന്ന് ഇന്റർനാഷണൽ ഒളിമ്പിക് കമ്മിറ്റി (IOC) പ്രഖ്യാപിച്ചു. 2024 ജൂലൈ 12-നാണ് സൗദി പ്രസ് ഏജൻസി ഇക്കാര്യംപുറത്തുവിട്ടത്.

Saudi Arabia Scheduled to Host the First Version of Olympic Games for E-Sports in 2025.https://t.co/CWR6JwPahS#SPAGOV pic.twitter.com/BQhgWDtz7u

— SPAENG (@Spa_Eng) July 12, 2024

സഊദി ഒളിമ്പിക് ആൻഡ് പാരാലിമ്പിക് കമ്മിറ്റിയുമായി (SOPC) ചേർന്നാണ് ഇന്റർനാഷണൽ ഒളിമ്പിക് കമ്മിറ്റി ഇ-സ്പോർട്സ് ഒളിമ്പിക്സ് ഗെയിംസ് നടപ്പിലാക്കുന്നത്. ഇതിനായി 12 വർഷം കാലാവധിയുളള ഒരു പങ്കാളിത്ത കരാറാണ് ഒപ്പ് വെച്ചത്.

ഇത് പ്രകാരം, സഊദി അറേബ്യയിൽ വെച്ച് ഇ-സ്പോർട്സ് ഒളിമ്പിക്സ് ഗെയിംസിന്റെ ആദ്യ പതിപ്പ് 2025-ൽ നടത്തുന്നതുകയും, തുടർന്ന് ഇ-സ്പോർട്സ് ഒളിമ്പിക്സ് ഗെയിംസിന്റെ തുടർപതിപ്പുകൾ നടത്തുന്നതിനും ഇരുകൂട്ടരും കരാറിലെത്തിയിരിക്കുന്നത്. 2025-ൽ സഊദി അറേബ്യയിൽ വെച്ച് ഇ-സ്പോർട്സ് ഒളിമ്പിക്സ് ഗെയിംസിന്റെ പ്രഥമ പതിപ്പ് നടത്തുന്നതിനുള്ള അംഗീകാരം പാരിസിൽ വെച്ച് നടക്കുന്ന ന്റർനാഷണൽ ഒളിമ്പിക് കമ്മിറ്റി-യുടെ 143-മത് യോഗത്തിൽ അവതരിപ്പിക്കുന്നതിനായി അയച്ചതായും അധികൃതർ അറിയിച്ചു.

പാരീസ് ഒളിംപിക്‌സിന്റെ പശ്ചാത്തലത്തിലാണ് ഈ യോഗം നടക്കുന്നത്. ഒളിമ്പിക്സ് ഗെയിംസിന്റെ പ്രഥമ പതിപ്പ് സംബന്ധിച്ച കൂടുതൽ വിവരങ്ങൾ ഈ യോഗത്തിന് ശേഷം പുറത്ത് വിടുമെന്ന് സംഘാടകർ അറിയിച്ചു.