മസ്കറ്റ് : കേരളാ എഞ്ചിനീയേഴ്‌സ് ഫാമിലി മസ്കത്തിന്റെ ആഭിമുഖ്യത്തിൽ ഫാമിലി ക്വിസ് സംഘടിപ്പിച്ചു.  ടി കെ എം കോളേജ് അലുംനി  യുടെ നേതൃത്വത്തിൽ ആയിരുന്നു പരിപാടി. അൽ ഹൈൽ നാഷണൽ യൂണിവേഴ്സിറ്റി ഓഡിറ്റോറിയത്തിൽ നടന്ന മത്സരം  ഒമാനിലെ പ്രശസ്ത ക്വിസ് മാസ്റ്റർ ഹലാ ജമാൽ ആണ് നയിച്ചത്. കേരളാ എഞ്ചിനീയേഴ്‌സ് ഫാമിലി അംഗങ്ങൾക്കായി നടത്തിയ മത്സരത്തിൽ മൂന്നു പേര് അടങ്ങുന്ന ടീമുകളായാണ് പങ്കെടുത്തത്. സ്ത്രീകളും കുട്ടികളും ഉൾപ്പെടുന്ന രീതിയിലായിരുന്നു ടീമുകളുടെ ക്രമീകരണം.  പ്രാഥമിക റൗണ്ടിൽ 40-ലധികം ടീമുകൾ പങ്കെടുത്തു. വാശിയറിയ മത്സരത്തിൽ മലയാളി എഞ്ചിനീയർ അലുമ്‌നി ഒന്നാം സ്ഥാനം കരസ്ഥമാക്കി.

തൃശൂർ എഞ്ചിനീയറിംഗ് കോളേജ് അലുമ്നി റണ്ണറപ്പും കണ്ണൂർ എഞ്ചിനീയറിംഗ് കോളേജ് അലുമ്‌നി സെക്കൻഡ് റണ്ണറപ്പുമായി. കോളേജ് ഓഫ് എഞ്ചിനീയറിംഗ് ട്രിവാൻഡ്രം അലുമ്‌നി, ടികെഎം കോളേജ് ഓഫ് എഞ്ചിനീയറിംഗ് അലുംനി, എൻഎസ്എസ് കോളേജ് ഓഫ് എഞ്ചിനീയറിംഗ് അലുമ്‌നി എന്നിവ യഥാക്രമം 4, 5, 6 സ്ഥാനങ്ങൾ നേടി. പരമാവധി 11 ടീമുകളെ പങ്കെടുപ്പിച്ച് മലയാളി എഞ്ചിനീയർ അലുമ്‌നി പ്രൈം പാർട്ടിസിപ്പേഷൻ അവാർഡും കരസ്ഥമാക്കി.   ടികെഎം കോളേജ് ഓഫ് എഞ്ചിനീയറിംഗ് അലുമ്‌നിയുടെ  7 ടീമുകളും കണ്ണൂർ എഞ്ചിനീയറിംഗ് കോളേജ് അലുംനിയുടെ 6 ടീമുകളും പങ്കെടുത്തു. 

വിജയികൾക്ക് സമ്മാനമായി ട്രോഫികളും വിവിധ  ഗൃഹോപകരണങ്ങളും വിതരണം ചെയ്തു.രണ്ടായിരത്തിൽ തുടങ്ങിയ ക്വിസ് മത്സര പരമ്പരയുടെ ഇരുപത്തി ഒന്നാമത് എഡിഷനാണ് ഇക്കുറി അരങ്ങേറിയത്.പ്രസിഡൻ്റ് ഡിക്കി ഫിലിപ്പ്, സെക്രട്ടറി അജിത് കുമാർ, .നൗഷാദ് അബ്ദുൾ ഹമീദ്, മൃണാൾ ഗോപാലകൃഷ്ണൻ തുടങ്ങിയവർ പരിപാടിക്ക്  നേതൃത്വം നൽകി.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക