തിരുവനന്തപുരം: മഞ്ഞ, പിങ്ക് റേഷന്‍ കാര്‍ഡ് ഗുണഭോക്താക്കളുടെ ഇ.കെ.വൈ.സി അപ്‌ഡേഷന്‍ 18ന് ആരംഭിക്കും.  തിരുവനന്തപുരം ജില്ലയിലുള്ളവര്‍ക്ക് 24 വരെയും 25 മുതല്‍ ഒക്ടോബര്‍ 1 വരെ കൊല്ലം, ആലപ്പുഴ, പത്തനംതിട്ട, കോട്ടയം, ഇടുക്കി, എറണാകുളം, തൃശൂര്‍ ജില്ലക്കാര്‍ക്കും ഒക്ടോബര്‍ 3 മുതല്‍ 8 വരെ പാലക്കാട്, കോഴിക്കോട്, വയനാട്, കണ്ണൂര്‍, മലപ്പുറം, കാസര്‍കോട് ജില്ലകളിലുള്ളവര്‍ക്കും അപ്‌ഡേഷന്‍ നടത്താം.

ഗുണഭോക്താക്കള്‍ റേഷന്‍  കാര്‍ഡ്, ആധാര്‍ കാര്‍ഡ് എന്നിവ  സഹിതം റേഷന്‍ കടകളില്‍  നേരിട്ടെത്തി അപ്‌ഡേഷന്‍ നടത്തണം. മുമ്പ് അപ്‌ഡേഷന്‍ ചെയ്തവരും ഓഗസ്റ്റില്‍ ബയോമെട്രിക് സംവിധാനം ഉപയോഗിച്ച് റേഷന്‍ വാങ്ങിയ ഗുണഭോക്താക്കളും അപ്‌ഡേഷന്‍ നടത്തേണ്ടതില്ല.