ദുബായ്: വനിതാ ടി20 ലോകകപ്പിനു ദിവസങ്ങള്‍ മാത്രം ശേഷിക്കേ ഐസിസി ഔദ്യോഗിക വീഡിയോ ഗാനം പുറത്തിറക്കി. 'വാട്ട് എവര്‍ ഇറ്റ് ടേക്‌സ്' എന്നാണ് പാട്ടിന്റെ ടൈറ്റില്‍.

ഒക്ടോബര്‍ 3 മുതല്‍ യുഎഇയിലാണ് ഇത്തവണ ലോകകപ്പ് പോരാട്ടം അരങ്ങേറുന്നത്. ദുബായ്, ഷാര്‍ജ എന്നിവിടങ്ങളിലായാണ് വനിതാ ടി20 ലോകകപ്പിന്റെ 9ാം പതിപ്പ് നടക്കുന്നത്. 20നാണ് ഫൈനല്‍ മത്സരം. രാഷ്ട്രീയ അനിശ്ചിതത്വത്തെ തുടര്‍ന്നാണ് ബംഗ്ലാദേശിന് അനുവദിച്ച വേദി യുഎഇയിലേക്ക് മാറ്റിയത്.

ഒദ്യോഗിക ഗാനത്തിന്റെ സൗണ്ട് ട്രാക്കും വിഡിയോയും ചേര്‍ത്താണ് ഐസിസി പുറത്തിറക്കിയിരിക്കുന്നത്. വനിതാ ക്രിക്കറ്റിലെ ഐതിഹാസിക മുഹൂര്‍ത്തങ്ങളും ഹൈലൈറ്റുകളും ഉള്‍പ്പെടുത്തി നിര്‍മ്മിച്ച വീഡിയോയില്‍, ഈ വര്‍ഷത്തെ ഏറ്റവും ശ്രദ്ധേയമാകാന്‍ പോകുന്ന നിര്‍ബന്ധമായി കണ്ടിരിക്കേണ്ട കായിക പോരാട്ടമായിരിക്കും വനിതാ ടി20 ലോകകപ്പെന്നാണ് പറയുന്നത്.

ആഗോള തലത്തില്‍ വനിതാ ക്രിക്കറ്റിനു ആരാധകരെ സൃഷ്ടിക്കുക എന്നതാണ് വിഡിയോയിലൂടെ ഐസിസി ലക്ഷ്യമിടുന്നത്. കൂടാതെ കൂടുതല്‍ യുവ തലമുറ ആരാധകര്‍ വനിതാ ക്രിക്കറ്റ് ആസ്വാദനത്തിലേക്ക് വരുമെന്ന പ്രതീക്ഷയും ഐസിസി പങ്കുവക്കുന്നു.

The International Cricket Council (ICC) releases 'What It Takes' as the official song for the Women's T20 World Cup, celebrating the spirit and determination of female cricketers worldwide.