കൊച്ചി: പ്രൊഡക്ഷന്‍ കണ്‍ട്രോളര്‍ ഷാനു ഇസ്മായിലിനെ കൊച്ചിയിലെ സ്വകാര്യ ഹോട്ടലില്‍ മരിച്ച നിലയില്‍ കണ്ടെത്തി.സെപ്റ്റംബര്‍ 11 നാണ് ഹോട്ടലില്‍ റൂം എടുത്ത ഷാനു  കഴിഞ്ഞ 10 ദിവസമായി ഇവിടെ താമസിക്കുകയായിരുന്നു. ഇന്ന് 3 മണിയോടെയാണ് മൃതദേഹം കണ്ടതെന്ന് ഹോട്ടല്‍ ഉടമ വ്യക്തമാക്കി. ഇന്ന് റൂമില്‍ നിന്നും പുറത്തു വരാത്തത് കൊണ്ട് അന്വേഷിച്ചപ്പോഴാണ് ഷാനുവിനെ ബാത്ത്‌റൂമില്‍ മരിച്ച നിലയില്‍ കണ്ടെത്തിയത്. സംഭവത്തെക്കുറിച്ച് സെന്‍ട്രല്‍ പൊലിസ് അന്വേഷണം ആരംഭിച്ചു. 

സിനിമയില്‍ അവസരം നല്‍കാമെന്നു പറഞ്ഞു ബലാത്സംഗം ചെയ്‌തെന്ന, തിരുവനന്തപുരം സ്വദേശിയായ നടിയുടെ പരാതിയില്‍ മ്യൂസിയം പൊലിസ് ഷാനുവിനെതിരെ കേസെടുത്തിരുന്നു. 2018 ലാണ് പരാതിക്കാസ്പദമായ സംഭവം നടന്നത്.

Shanu Ismail, a production controller, found dead in a private hotel in Kochi, sparking investigation into circumstances surrounding his sudden demise.