തൃശ്ശൂര്‍: പ്രായപൂര്‍ത്തിയാകാത്ത പെണ്‍കുട്ടിക്കെതിരേ ലൈംഗികാതിക്രമം നടത്തിയെന്ന പരാതിയില്‍ അധ്യാപകനെ കുന്നംകുളം പൊലിസ് അറസ്റ്റ് ചെയ്തു. സ്വകാര്യ സ്‌കൂള്‍ അധ്യാപകനായ കേച്ചേരി ചിറനെല്ലൂര്‍  കോനിക്കര വീട്ടില്‍  സെബിന്‍ ഫ്രാന്‍സീസ് (42) ആണ് അറസ്റ്റിലായത്. 

പ്രായപൂര്‍ത്തിയാകാത്ത പെണ്‍കുട്ടിയെ ഭീഷണിപ്പെടുത്തി നിരവധിതവണ ലൈംഗിക പീഡനത്തിനിരയാക്കിയെന്ന പരാതിയെ തുടര്‍ന്നാണ് സെബിന്‍ ഫ്രാന്‍സിസിനെ അറസ്റ്റ് ചെയ്തത്. ഇതിനിടെ കുട്ടിയെ കൊണ്ട് നിര്‍ബന്ധിപ്പിച്ച് രജിസ്റ്റര്‍ വിവാഹം ചെയ്യാനും പ്രതി ശ്രമം നടത്തിയിട്ടുണ്ടെന്നാണ് വിവരം.

കഴിഞ്ഞ ദിവസം വരെ സി.പി.എം. ചിറനെല്ലൂര്‍ പടിഞ്ഞാറ് ബ്രാഞ്ച് സെക്രട്ടറി ആയിരുന്നു. ഇയാളെ വൈദ്യപരിശോധന നടത്തി കോടതിയില്‍ ഹാജരാക്കിയതിനെത്തുടര്‍ന്ന് റിമാന്‍ഡ് ചെയ്തു.