മസ്കത്ത്: ഒമാനില്‍ വരും ദിവസങ്ങളിൽ മഴ മുന്നറിയിപ്പ് നല്‍കി അധികൃതര്‍.ഒമാനില്‍ കാലാവസ്ഥ വ്യതിയാനം മൂലം വരുന്ന ദിവങ്ങളിൽ  മഴയ്ക്ക് സാധ്യതയുണ്ടെന്ന് സിവില്‍ ഏവിയേഷന്‍ അതോറിറ്റിയാണ് മുന്നറിയിപ്പ് നല്‍കിയത്. ഒക്ടോബര്‍ 6 ഞായറാഴ്ച മുതല്‍ ഒക്ടോബര്‍ 9 ബുധനാഴ്ച വരെ അല്‍ ഹാജര്‍ പര്‍വ്വതനിരകളിലും സമീപ പ്രദേശങ്ങളിലും മഴയ്ക്ക് സാധ്യതയുണ്ട്.

വിവിധ തീവ്രതകളിലുള്ള മഴയ്ക്ക് സാധ്യതയുള്ളതായി സിവില്‍ ഏവിയേഷന്‍ അതോറിറ്റി അറിയിച്ചു. ചിലപ്പോള്‍ മഴക്കൊപ്പം ഇടിമിന്നലും ഉണ്ടാകാന്‍ സാധ്യതയുണ്ട്. മഴ മൂലം താഴ്വരകള്‍ നിറഞ്ഞൊഴുകാനും സാധ്യതയുണ്ട്. കാലാവസ്ഥ സ്ഥിതിഗതികള്‍ നാഷണല്‍ സെന്‍റര്‍ ഫോര്‍ ഏര്‍ലി വാണിങ് ഓഫ് മള്‍ട്ടിപ്പിള്‍ ഹസാര്‍ഡ്സ് വിദഗ്ധര്‍ നിരീക്ഷിച്ചു കൊണ്ടിരിക്കുകയാണ്. ഔദ്യോഗിക റിപ്പോര്‍ട്ടുകള്‍ പാലിക്കണമെന്ന് അധികൃതര്‍ അറിയിച്ചു. 

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക