കുറ്റിക്കാട്ടൂർ: ഇസ്‌ലാമിന്റെ കൃത്യമായ പ്രതിച്ഛായ നിലനിർത്തുന്നതിൽ ജാമിഅ യമാനിയ്യ പോലെയുള്ള സ്ഥാപനങ്ങൾ വഹിക്കുന്ന പങ്ക് നിസ്തുലമാണെന്ന് പാണക്കാട് സയ്യിദ് സാദിഖലി ശിഹാബ് തങ്ങൾ. കുറ്റിക്കാട്ടൂർ ജാമിഅ യമാനിയ്യ അറബിക് കോളജ് സിൽവർ ജൂബിലി സമാപന സമ്മേളനം, ശംസുൽ ഉലമ നഗറിൽ ഉദ്ഘാടനം ചെയ്യുകയായിരുന്നു അദ്ദേഹം. പണ്ഡിത സൂര്യൻ ഇ.കെയുടെ പേരിൽ പടുത്തുയർത്തിയ സ്ഥാപനം, 25 വർഷങ്ങൾക്കകം വാർത്തെടുത്തത് നൂറുകണക്കിന് പണ്ഡിതരെയാണ്. നാടിന്റെ നാനായിടങ്ങളിലും ആ പണ്ഡിത സമൂഹം വിളംബരം ചെയ്യുന്നത് സത്യവിശ്വാസത്തിന്റെ ദർശനങ്ങളാണെന്നും സാദിഖലി തങ്ങൾ പറഞ്ഞു.

ചടങ്ങിൽ സമസ്ത  ജനറൽ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാർ  അധ്യക്ഷനായി. സമസ്ത പ്രസിഡന്റും യമാനിയ്യ പ്രിൻസിപ്പലുമായ സയ്യിദ് മുഹമ്മദ്‌ ജിഫ് രി മുത്തുക്കോയ തങ്ങൾ 354 യമാനി പണ്ഡിതർക്കുള്ള സനദ് ദാനം നിർവഹിച്ചു.
ഡോ. ബഹാഉദ്ദീൻ മുഹമ്മദ്‌ നദ്‌വി, എം.പി മുസ്തഫൽ ഫൈസി, യു. ഷാഫി ഹാജി, എം.സി മായിൻ ഹാജി, ജാമിഅ യമാനിയ്യ ജനറൽ സെക്രട്ടറി ആർ.വി കുട്ടിഹസൻ ദാരിമി, കെ. മരക്കാർ ഹാജി, കെ. മൂസ മൗലവി, കെ.പി കോയ ഹാജി, അബ്ദുല്ല ബാഖവി, അഹമദ് ദേവർ കോവിൽ എം.എൽ.എ, ബി.എസ്‌.കെ തങ്ങൾ, സൈനുൽ ആബിദീൻ തങ്ങൾ, മുഈനുദ്ദീൻ ജിഫ് രി തങ്ങൾ, ഒളവണ്ണ അബൂബക്കർ ദാരിമി, അസൈനാർ ഫൈസി, ഹുസൈൻകുട്ടി മൗലവി, കെ.പി മുഹമ്മദ്‌കുട്ടി, അബൂബക്കർ ഫൈസി മലയമ്മ സംസാരിച്ചു. അബ്ദുസ്സമദ് പൂക്കോട്ടൂർ മുഖ്യപ്രഭാഷണം നടത്തി.