റിയാദ്: താഇഫിലെ അല്‍ ഹദ റോഡ് 2025 ജനുവരി 1 മുതല്‍ താല്‍കാലികമായി അടച്ചിടുമെന്ന് സഊദി റോഡ്‌സ് ജനറല്‍ അതോറിറ്റി (RGA) അറിയിച്ചു. 2024 ഡിസംബര്‍ 30നാണ് ആര്‍ജിഎ ഇതേക്കുറിച്ചുള്ള അറിയിപ്പ് നല്‍കിയത്.

ഈ റോഡിലെ അറ്റകുറ്റപ്പണികള്‍ക്കായാണ് ആര്‍ജിയുടെ പുതിയ തീരുമാനം. റോഡ്‌സ് സെക്യൂരിറ്റിമായി ചേര്‍ന്ന് രണ്ടുമാസത്തേക്കാണ് അല്‍ഹദ റോഡ് അടയ്ക്കുന്നതെന്നാണ് അധികൃതര്‍ അറിയിച്ചിരിക്കുന്നത്. ഈ കാലയളവില്‍ മേഖലയിലൂടെയുള്ള യാത്രകള്‍ക്കായി യാത്രക്കാര്‍ അല്‍സൈല്‍ അല്‍കബീര്‍ റോഡ് പോലുള്ള മറ്റു റോഡുകള്‍ ഉപയോഗിക്കണമെന്നും ആര്‍ജിഎ അറിയിച്ചു.