ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ സിറ്റിക്ക് ജയം. ഒന്നിനെതിരെ നാല് ഗോളുകൾക്കാണ് മുൻ ചാംപ്യൻമാർ വെസ്റ്റ്ഹാമിനെ വീഴ്ത്തിയത്. 

ഇത്തിഹാദ് സ്റ്റേഡിയത്തിൽ നടന്ന മത്സരത്തിൽ വ്ളാഡിമർ കൗഫലിൻ്റെ ഔൺ ഗോളിലൂടെ സിറ്റി ലീഡെടുത്തു. പിന്നീട് 42ാം മിനിറ്റിലും 55ാം മിനിറ്റിലുമാണ് ഹാളണ്ടിന്റെ ഗോളുകളെത്തി. വൈകാതെ 58-ാം മിനിറ്റിൽ ഫിൽ ഫോഡനും സിറ്റിക്കായി ലക്ഷ്യം കണ്ടു. 71-ാം മിനിറ്റിൽ ഫുൾക്രൂഗാണ് വെസ്റ്റ്ഹാമിന്റെ ആശ്വാസ ഗോൾ നേടിയത്.

മറ്റൊരു മത്സരത്തിൽ ക്രിസ്റ്റൽ പാലസ് ചെൽസിയെ സമനിലയിൽ തളച്ചു. 14-ാം മിനിറ്റിൽ കോൾ പാൽമറിലൂടെ മുന്നിലെത്തിയ ചെൽസി വിജയത്തിലേക്ക് കുതിക്കവെ കളിയുടെ 82ാം മിനിറ്റിൽ ഫിലിപ് മറ്റേറ്റയുടെ അപ്രതീക്ഷിത ഗോളെത്തുകയായിരുന്നു.

മറ്റു മത്സരങ്ങളിൽ ആസ്റ്റൺ വില്ല ലെസ്റ്റർ സിറ്റിയെ ഒന്നിനെതിരെ രണ്ട് ഗോളുകൾക്ക് പരാജയപ്പെടുത്തി. ബ്രെൻ്റ്ഫോർഡ് എതിരില്ലാത്ത അഞ്ച് ഗോളിന് സതാംപ്‌ടണെ തകർത്തപ്പോൾ, എവേർട്ടണെതിരെ ഏകപക്ഷീയമായ ഒരു ഗോളിനായിരുന്നു ബോൺമൗത്തിന്റെ വിജയം.

City kicked off the new year with a thrilling win over West Ham in the Premier League, marking a strong start to the year.