തിരുവനന്തപുരം: രാജി ഉറപ്പാക്കി പി.വി അൻവർ എംഎൽഎ. നാളെ രാവിലെ 9 മണിക്ക് സ്‌പീക്കറെ കാണുമെന്ന് ഫേസ്ബുക് പോസ്റ്റ് പങ്കുവെച്ചു. രാജിക്കത്ത് സ്പീക്കർക്ക് കൈമാറും. തൃണമൂൽ കോൺഗ്രസിനോടൊപ്പം ചേർന്നു പ്രവർത്തിക്കുമെന്ന പ്രഖ്യാപനത്തിനു പിന്നാലെയാണ് പി.വി അൻവറിൻന്റെ നീക്കം.

നാളെ വളരെ പ്രധാനപ്പെട്ടൊരു വിഷയം പ്രഖ്യാപിക്കുമെന്ന് ഇന്ന് വൈകുന്നേരം അൻവർ സോഷ്യൽ മീഡിയയിലൂടെ അറിയിച്ചിരുന്നു. മാധ്യമങ്ങൾക്കുള്ള ക്ഷണമായാണ് ഫേസ്ബുക്കിൽ പോസ്റ്റിട്ടിരിക്കുന്നതെങ്കിലും, കൂടുതൽ വിശദാംശങ്ങളൊന്നും നൽകിയിരുന്നില്ല. പിന്നാലെ തന്നെ അൻവർ രാജിക്കൊരുങ്ങുകയാണെന്ന തരത്തിലുള്ള അഭ്യൂഹങ്ങൾ ഉയർന്നിരുന്നു, അൽപ്പം മുൻപ് ഇക്കാര്യം സ്ഥിരീകരിച്ച് അൻവർ വീണ്ടും പോസ്റ്റ് പങ്കുവെച്ചു.

യുഡിഎഫിനൊപ്പം ചേരാനുള്ള നീക്കങ്ങൾക്കിടെ കഴിഞ്ഞ ദിവസമായിരുന്നു തൃണമൂലിനൊപ്പം ചേർന്നു പ്രവർത്തിക്കുമെന്ന് അൻവർ പ്രഖ്യാപിച്ചത്. ടിഎംസി ദേശീയ ജനറൽ സെക്രട്ടറി അൻവറിനെ ഷാൾ അണിയിച്ചു സ്വീകരിക്കുകയും ചെയ്‌തിരുന്നു. പാർട്ടിയുടെ സംസ്ഥാന കോ-ഓർഡിനേറ്ററായി പ്രവർത്തിക്കുമെന്നാണ് അദ്ദേഹം അറിയിച്ചത്. പാർട്ടിയിൽ ഔദ്യോഗികമായി ചേരാൻ നിലവിൽ നിയമതടസമുണ്ടെന്നും, നിയമോപദേശം തേടിയ ശേഷമായിരിക്കും അംഗത്വമെടുക്കുക എന്നും അൻവർ വ്യക്തമാക്കിയിരുന്നു. രാജ്യസഭാ അംഗത്വം ഉൾപ്പെടെയുള്ള വാഗ്ദാനങ്ങൾ തൃണമൂൽ അൻവറിനു മുന്നിൽ വച്ചതായും റിപ്പോർട്ടുകളുണ്ട്.

Anwar has confirmed his resignation and is set to meet the Speaker tomorrow. For more updates on this developing story, you can try searching online for the latest news.