കല്‍പ്പറ്റ: ദേശീയ അധ്യാപക ദിനാഘോഷം ജില്ലാ തല പരിപാടികള്‍ ഈമാസം അഞ്ചിന് രാവിലെ 10.30ന് മുട്ടില്‍ വയനാട് ഓര്‍ഫനേജ് വൊക്കേഷനല്‍ ഹയര്‍സെക്കന്‍ഡറി സ്‌കുളില്‍ നടക്കും. ദേശീയ-സംസ്ഥാന അധ്യാപക അവാര്‍ഡ് ജേതാക്കളെ ആദരിക്കും. ജില്ലയിലെ മികച്ച പി.ടി.എ അവാര്‍ഡുകള്‍ വിതരണം ചെയ്യും. സി.കെ ശശീന്ദ്രന്‍ എം.എല്‍.എ പരിപാടി ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് ടി ഉഷാകുമാരി അധ്യക്ഷയാകും. സംസ്ഥാന അധ്യാപക അവാര്‍ഡ് ജേതാക്കളെ ഐ.സി ബാലകൃഷ്ണന്‍ എം.എല്‍.എയും, ദേശീയ അധ്യാപക അവാര്‍ഡ് ജേതാവിനെ ഡബ്ല്യു.എം.ഒ പ്രസിഡന്റ് കെ.കെ അഹമ്മദ് ഹാജിയും ആദരിക്കും.
ജില്ലയിലെ പ്രൈമറി, സെക്കന്ററി വിഭാഗത്തില്‍ നിന്നും മികച്ച പി.ടി.എ ആയി തെരഞ്ഞെടുത്ത സ്‌കൂളുകള്‍ക്കുള്ള അവാര്‍ഡ്  ജില്ലാ പഞ്ചായത്ത് വൈസ് പ്രസിഡന്റ് പി.കെ.അസ്മത്ത് വിതരണം ചെയ്യും.