പന്തീരാങ്കാവ്: താമസിക്കുന്ന ഫ്‌ളാറ്റിന്റെ ഏഴാം നിലയിലെ ബാല്‍ക്കണിയില്‍നിന്ന് വീണ് ഏഴു വയസ്സുകാരന്‍ മരിച്ചു. നല്ലളം കീഴ്‌വനപാടം എം.പി. ഹൗസില്‍ മുഹമ്മദ് ഹാജിഷ്-ആയിശ ദമ്പതികളുടെ മകന്‍ ഇവാന്‍ ഹൈബല്‍ ആണ് മരിച്ചത്. ഇവര്‍ താമസിക്കുന്ന ഇരിങ്ങല്ലൂര്‍ ലാന്‍ഡ് മാര്‍ക്ക് 'അബാക്കസ്' ബില്‍ഡിങ്ങില്‍ വെച്ചാണ് അപകടമുണ്ടായത്. പൊറ്റമ്മല്‍ ചിന്മയ സ്‌കൂള്‍ രണ്ടാം ക്ലാസ് വിദ്യാര്‍ഥിയാണ് ഇവാന്‍.

ചൊവ്വാഴ്ച രാത്രി എട്ടു മണിയോടെയായിരുന്നു അപകടം. കുട്ടി ബാല്‍ക്കണിയില്‍ കളിക്കുകയായിരുന്നു. അതിനിടെ കാല് തെറ്റി താഴേക്ക് വീഴുകയായിരുന്നുവെന്നാണ് നിഗമനം. ശബ്ദം കേട്ട് ഓടിയെത്തിയ സുരക്ഷ ജീവനക്കാരും മറ്റും ചേര്‍ന്ന് തൊട്ടടുത്ത സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. 

രണ്ട് വര്‍ഷത്തോളമായി  ഈ ഫ്‌ളാറ്റിലെ താമസക്കാരാണ് ഇവര്‍.  ഇവര്‍ക്ക് ഒരു മകള്‍കൂടിയുണ്ട്.

 A 7-year-old boy, Evan Haibal, lost his life after falling from the 7th-floor balcony of his apartment in Pantheerankavu. The child, a Class 2 student at Pottammal Chinmaya School, was the son of Muhammad Hajish and Ayisha.