ദുബൈ: സമൂഹമാധ്യമത്തിലൂടെ ഹജ്ജ്, ഉംറ വിസ തട്ടിപ്പിനു ശ്രമിച്ച സംഘത്തെ പൊലിസ് ്‌റസ്റ്റു ചെയ്തു. കുറഞ്ഞ നിരക്കില്‍ ഹജ്ജ്, ഉംറ വിസ വിസ വാഗ്ദാനം ചെയ്താണ് സംഘം ആളുകളെ തങ്ങളുടെ വരുതിയിലാക്കാന്‍ ശ്രമിച്ചത്. 

പണമടച്ചുകഴിഞ്ഞാല്‍ തട്ടിപ്പുകാര്‍ ഇരകളുടെ കോണ്‍ടാക്റ്റ് നമ്പറുകള്‍ ബ്ലോക്ക് ചെയ്യുന്നതു പതിവായിരുന്നു. യുഎഇയിലെ ലൈസന്‍സുള്ള അംഗീകൃത സ്ഥാപനങ്ങള്‍ വഴി മാത്രമേ ഹജ്ജ്, ഉംറ വിസകള്‍ എടുക്കാവൂ എന്ന് അധികൃതര്‍ പൊതുജനങ്ങളോട് അഭ്യര്‍ത്ഥിച്ചു.

2023ല്‍ ഷാര്‍ജ ആസ്ഥാനമായി പ്രവര്‍ത്തിച്ചിരുന്ന ഒരു ടൂര്‍ ഓപ്പറേറ്ററെ വലിയ ഹജ്ജ് വിസ തട്ടിപ്പിന്റെ പേരില്‍ അറസ്റ്റു ചെയ്തിരുന്നു. 150 താമസക്കാരില്‍ നിന്നും ഏകദേശം 3 മില്യണ്‍ ദിര്‍ഹമാണ് അന്ന് ഇവര്‍ തട്ടിയെടുത്തത്. നൂറിലധികം പേരുടെ കണ്ണീരിനു കാരണമായ ബൈത്തുല്‍ അതീഖ് ട്രാവല്‍ ഏജന്‍സിയെയാണ് അന്ന് പൊലിസ് പൂട്ടിയത്. ഉപഭോക്താക്കള്‍ക്ക് പണം തിരികെ നല്‍കുന്നതിനായി ഇന്ത്യയിലെ സ്വത്ത് വില്‍ക്കുകയാണെന്ന് അന്ന് ഏജന്‍സി ഉടമ പറഞ്ഞിരുന്നു. എന്നാല്‍ കൃത്യമായ വിശദാംശങ്ങള്‍ നല്‍കുന്നതിലും സമയപരിധി പാലിക്കുന്നതിലും അദ്ദേഹം പരാജയപ്പെടുകയുണ്ടായി.

Dubai Police have apprehended a gang attempting to commit Hajj and Umrah visa fraud via social media. The group was exposed for exploiting online platforms to deceive individuals into purchasing fake visas. The police action highlights their commitment to maintaining integrity and combating fraud in the region.