ഇരട്ടക്കുട്ടികളെ കുറിച്ചും അവരുടെ വാര്‍ത്തകളുമൊക്കെ ഇടയ്ക്കു വൈറലാവുക പതിവാണ്. എന്നാല്‍ അതുപോലെ ഒരേ ക്ലാസില്‍ ഒരേ ബെഞ്ചില്‍ എല്‍കെജി മുതല്‍ പിജി വരെ ഒരേ ക്ലാസില്‍ തന്നെ ഇരുന്നു പഠിക്കുകയും ഒരുമിച്ച് തന്നെ പിഎച്ച്ഡി നേടുകയും ഒരേ സ്ഥാപനത്തില്‍ തന്നെ ഇവര്‍ക്കു ജോലികിട്ടുകയും ചെയ്യുന്നത് അപൂര്‍വം തന്നെയാണ്.

കാസര്‍കോഡ് മാവുങ്കാലിലാണ് ഈ ഇരട്ട സഹോദരിമാര്‍. നെല്ലിത്തറയിലെ എന്‍ ബാബുവിന്റെയും സുയാഷയുടെയും മക്കളായ അക്ഷതയും അക്ഷയയും. രൂപ സാദൃശ്യം കൊണ്ട് ആരെയും കുഴക്കിക്കളയുന്ന ഇരട്ട സഹോദരിമാര്‍ മംഗളൂരു സര്‍വകലാശാലയിലെ ബയോസയന്‍സ് വിഭാഗത്തില്‍ ഗസ്റ്റ് ലക്ചറര്‍മാരാണ്. പഠനത്തിലും മിടുക്കികളായിരുന്നു രണ്ടുപേരും. ഒരുമിച്ചു തന്നെ നെറ്റും ജെആര്‍എഫും നേടി പിഎച്ച്ഡി പൂര്‍ത്തിയാക്കുകയായിരുന്നു.