വ്യാജ രേഖകള്‍ ഉപയോഗിച്ച് കുവൈത്തിലേക്ക് കടക്കാന്‍ ശ്രമിച്ച യുവതിയെ ഇമിഗ്രേഷന്‍ അധികൃതര്‍ പിടികൂടി. ഹൈദരാബാദിലെ രാജീവ് ഗാന്ധി അന്താരാഷ്ട്ര വിമാനത്താവളത്തിലായിരുന്നു സംഭവം. ആന്ധ്രപ്രദേശിലെ കടപ്പയില്‍ നിന്നുള്ള ഖദീജ ഷെയ്ഖ് എന്ന യുവതിയാണ് അറസ്റ്റിലായത്. ഈ സംഭവത്തോടെ ഗള്‍ഫ് രാജ്യങ്ങളിലേക്ക് മനുഷ്യക്കടത്ത് നടത്തുന്ന സംഘത്തിന്റെ കൂടുതല്‍ വിവരങ്ങളാണ് പുറത്തു വന്നത്. 

വിമാനത്താവളത്തില്‍ വച്ച് നടത്തിയ ചോദ്യം ചെയ്യലില്‍, കടപ്പ, വിജയവാഡ എന്നിവിടങ്ങളില്‍ നിന്നുള്ള അഞ്ച് ഏജന്റുമാരാണ് വ്യാജ വിസ ഒരുക്കി തന്നെ വിദേശത്തേക്ക് പോകാന്‍ സഹായിച്ചതെന്ന് ഖദീജ ഷെയ്ഖ് വ്യക്തമാക്കി. കുവൈത്തില്‍ താമസിക്കുന്ന ഒരു ഇന്ത്യന്‍ പ്രവാസിയും ഈ സംഘത്തില്‍ ഉള്‍പ്പെട്ടിട്ടുള്ളതായാണ് വിവരങ്ങള്‍. ഇമിഗ്രേഷന്‍ ഉദ്യോഗസ്ഥരുടെ പരാതിയില്‍ ഇവര്‍ക്കെതിരെ കേസെടുത്ത വിമാനത്താവള പൊലിസ് അന്വേഷണം ആരംഭിച്ചു.

മിഡില്‍ ഈസ്റ്റ് രാജ്യങ്ങളില്‍ ജോലി വാഗ്ദാനം ചെയ്താണ് ഇവര്‍ ആളുകളെ വിദേശത്തേക്ക് കടത്തുന്നത്. ഇതിനായി വ്യാജ രേഖകള്‍ തയ്യാറാക്കി യാത്രാ സൗകര്യം ഒരുക്കുകയായിരുന്നു. പിടികൂടിയ സ്ത്രീയുടെ പാസ്‌പോര്‍ട്ടില്‍ കൃത്രിമം കാണിച്ചിട്ടുള്ളതായി ഉദ്യോഗസ്ഥര്‍ കണ്ടെത്തി. ഇസിആര്‍ പാസ്‌പോര്‍ട്ട് ഉപയോഗിച്ച് യാത്ര ചെയ്യുന്നവര്‍ക്ക് അധിക പരിശോധന നിര്‍ബന്ധമാണെന്നത് ഇവരുടെ തട്ടിപ്പ് പിടിക്കപ്പെടുന്നതിലേക്ക് നയിച്ചു.

A woman was caught by immigration authorities at Kuwait airport while attempting to enter the country using forged documents. The authorities detected the fake documents during a routine inspection, leading to her arrest and potential legal consequences