കോഴിക്കോട്: കൊടുവള്ളിയില്‍ വിവാഹസംഘം സഞ്ചരിച്ച വാഹനത്തിനു നേരെ ആക്രമണം. ആക്രമണത്തില്‍ വിവാഹ സംഘം സഞ്ചരിച്ച ബസ്സിന്റെ ചില്ലുകള്‍ തകര്‍ന്നു. ആക്രമണത്തില്‍ ബസ്സിന്റെ ഡ്രൈവര്‍ക്കും സഹായിക്കും പരുക്കേറ്റു. 

ക്രിമിനല്‍ പശ്ചാത്തലമുള്ള സംഘമാണ് വിവാഹസംഘത്തിനു നേരെ ആക്രമണം നടത്തിയതെന്നാണ് കൊടുവള്ളി പൊലിസ് പറയുന്നത്. ആക്രമണത്തെ തുടര്‍ന്ന് നിരവധി ക്രിമിനല്‍ കേസുകളില്‍ പ്രതിയായ ഷമീറിനെയും മറ്റൊരാളെയംു പൊലിസ് കസ്റ്റഡിയില്‍ എടുത്തിട്ടുണ്ട്. റോഡില്‍ വാഹനം നിര്‍ത്തിയതുമായി ബന്ധപ്പെട്ട തര്‍ക്കമാണ് അക്രമത്തില്‍ കലാശിച്ചത്. 

പൊലിസ് പിടിയിലായ ഇരുവരും ബസിനു നേരെ സ്‌ഫോടക വസ്തു എറിഞ്ഞ് പരിഭ്രാന്തി സൃഷ്ടിക്കാന്‍ ശ്രമിച്ചെന്ന് നാട്ടുകാര്‍ പറഞ്ഞു.