മലപ്പുറം: പെരിന്തല്‍മണ്ണയ്ക്കടുത്ത് മണ്ണാര്‍മലയില്‍ വീണ്ടും പുലിയിറങ്ങിയതായി നാട്ടുകാര്‍. റോഡിനപ്പുറത്ത് നിന്ന് പുലിവരുന്നത് നാട്ടുകാര്‍ സ്ഥാപിച്ച കാമറയില്‍ പതിഞ്ഞു. ഏകദേശം ഒരു മാസം മുമ്പും പുലിയുടെ ദൃശ്യം കാമറയില്‍ പതിഞ്ഞിരുന്നു. പുലിയെ പിടിക്കാന്‍ വനം വകുപ്പ് കൂട് സ്ഥാപിച്ചെങ്കിലും പുലിയെ പിടിക്കാനായില്ല. എന്നാല്‍ പുലിയെ പിടികൂടി ജനങ്ങളുടെ ഭീതി അകറ്റണമെന്ന് നാട്ടുകാര്‍ ആവശ്യപ്പെട്ടു.

 കഴിഞ്ഞ ഒരു മാസത്തിനിടയില്‍ മലപ്പുറത്ത് വിവിധയിടങ്ങളില്‍ പുലിയിറങ്ങിയിരുന്നു. ബൈക്കില്‍ പോകുന്നതിടനിടെ പുലിയുടെ ആക്രമണത്തില്‍ മമ്പാട് സ്വദേശിക്ക് പരിക്കേറ്റിരുന്നു. നടുവക്കാട് സ്വദേശി പൂക്കോടന്‍ മുഹമ്മദലിക്കായിരുന്നു പരിക്കേറ്റത്. മഞ്ചേരിയില്‍ ഏഴ് ആടുകളെ കൊന്ന പുലിയെ വനംവകുപ്പ് കൂട് സ്ഥാപിച്ച് പിടിച്ചത് കഴിഞ്ഞ മാസമായിരുന്നു.