ബെംഗളുരു: ബെംഗളൂരുവിലെ ചികജാലയില്‍ നൈജീരിയന്‍ യുവതിയെ മരിച്ച നിലയില്‍ കണ്ടെത്തി. കഴുത്തിലും തലയിലും മുറിവേറ്റ നിലയിലാണ് യുവതിയെ കണ്ടെത്തിയത്. പ്രദേശത്തെ ആളൊഴിഞ്ഞ മൈതാനത്തിനു സമീപത്തു നിന്നാണ് യുവതിയുടെ മൃതദേഹം കണ്ടെത്തിയത്.

യുവതിയുടെ കഴുത്തിനും തലക്കുമേറ്റ മാരകമായ മുറിവാണ് മരണകാരണം എന്നാണ് പ്രാഥമിക നിഗമനം. മറ്റെവിടെയെങ്കിലും വെച്ച് കൊലപ്പെടുത്തിയ ശേഷം മൃതദേഹം മൈതാനത്ത് കൊണ്ടുവന്നു ഉപേക്ഷിച്ചത് ആകാമെന്നാണ് പൊലിസ് നിഗമനം. യുവതിയുടെ കൂടുതല്‍ വിവരങ്ങള്‍ പൊലിസ് പുറത്തുവിട്ടിട്ടില്ല. മൃതദേഹം പോസ്റ്റ്‌മോര്‍ട്ടത്തിനായി ആശുപത്രിയിലേക്ക് മാറ്റിയിട്ടുണ്ട്. സംഭവത്തില്‍ പൊലിസ് അന്വേഷണം ആരംഭിച്ചിട്ടുണ്ട്.

രാവിലെ 8:30 ഓടെ വഴിയാത്രക്കാരാണ് മൃതദേഹം കണ്ടത്. ഇവര്‍ ഉടന്‍ തന്നെ പൊലിസ് കണ്‍ട്രോള്‍ റൂമില്‍ അറിയിയിക്കുകയായിരുന്നു. മൃതദേഹത്തില്‍ കഴുത്തുഞെരിച്ച് കൊലപ്പെടുത്തിയതിന്റെ വ്യക്തമായ ലക്ഷണങ്ങളുണ്ടെന്നും നെറ്റിയില്‍ മുറിവുണ്ടെന്നും ഇത് ക്രൂരമായ കൊലപാതകത്തിലേക്കാണ് വിരല്‍ ചൂണ്ടുന്നതെന്നും പൊലിസ് ഉദ്യോഗസ്ഥര്‍ പറഞ്ഞു. കൊല്ലപ്പെട്ട യുവതിക്ക് 30 വയസ്സ് പ്രായമുണ്ട്. 

A 30-year-old Nigerian woman was discovered dead with signs of strangulation and head injury on Bettahalasur Main Road in Bengaluru. Authorities suspect she was murdered elsewhere and her body dumped at the location. Investigation is underway.