ഗോതമ്പ് മാവ് കൊണ്ട് നമ്മള്‍ ഇന്ത്യക്കാര്‍ റൊട്ടി, ചപ്പാത്തി തുടങ്ങി പലതരം ഭക്ഷണങ്ങളും തയാറാക്കാറുണ്ട്. എന്നാല്‍ ഈ ഗോതമ്പ് കുതിര്‍ത്ത് നിങ്ങള്‍ കഴിക്കാറുണ്ടോ?  ഗോതമ്പ് കുതിര്‍ത്ത് കഴിക്കുന്നതിന്റെ ഗുണങ്ങളെക്കുറിച്ച് നിങ്ങള്‍ക്കറിയാമോ? നാരുകള്‍, പ്രോട്ടീന്‍, കാല്‍സ്യം, മഗ്‌നീഷ്യം, പൊട്ടാസ്യം, ഫോസ്ഫറസ് തുടങ്ങിയ പോഷകങ്ങളുടെ കലവറയാണ് മുഴുവന്‍ ഗോതമ്പ്.

ഈ ഘടകങ്ങള്‍ നിങ്ങളെ ആരോഗ്യത്തോടെ നിലനിര്‍ത്തുക മാത്രമല്ല, ഗുരുതരമായ പല രോഗങ്ങളില്‍ നിന്നു നിങ്ങളെ രക്ഷിക്കുകയും ചെയ്യുന്നു. കുതിര്‍ത്ത ഗോതമ്പ് പതിവായി കഴിക്കുന്നത് ശരീരഭാരം നിയന്ത്രിക്കുന്നതിനും പ്രമേഹം നിയന്ത്രിക്കുന്നതിനും ഹൃദയാരോഗ്യം മെച്ചപ്പെടുത്തുന്നതിനും നിങ്ങളെ സഹായിക്കും. 

 

ദഹനം

ധാരാളം നാരുകള്‍ അടങ്ങിയ കുതിര്‍ത്ത ഗോതമ്പ് ദഹനവ്യവസ്ഥയെ സുഗമമാക്കുന്നു. മലബന്ധം, ദഹനക്കേട്, ഗ്യാസ് തുടങ്ങിയ പ്രശ്‌നങ്ങളില്‍ നിന്ന് മോചനം നല്‍കുന്നു. നാരുകള്‍ കുടലുകളെ ആരോഗ്യകരമായി നിലനിര്‍ത്തുന്നു. മലവിസര്‍ജനം നിയന്ത്രിക്കുന്നു. അതുവഴി ദഹനപ്രശ്‌നങ്ങള്‍ കുറയ്ക്കുകയും ചെയ്യുന്നു.

വണ്ണം കുറയ്ക്കാന്‍ 

ശരീരഭാരം കുറയ്ക്കാന്‍ ആഗ്രഹമുള്ളവര്‍ക്ക് കുതിര്‍ത്ത ഗോതമ്പ് മികച്ച ഓപ്ഷനാണ്. ഇതില്‍ കലോറി കുറവാണ്. വളരെ നേരം വയര്‍ നിറഞ്ഞപോലെ ഇത് നിലനിര്‍ത്തുന്നു.  ഇടയ്ക്കിടെയുള്ള വിശപ്പിന്റെ പ്രശ്‌നം ഉണ്ടാക്കുകയുമില്ല. ഇത് ഭാരം നിയന്ത്രിക്കാന്‍ സഹായിക്കുന്നു. പ്രാതലിനായി ഉള്‍പ്പെടുത്തുന്നതിലൂടെ, ദിവസം മുഴുവനും നിങ്ങള്‍ക്ക് ഊര്‍ജ്ജസ്വലരായി ഇരിക്കാനും സാധിക്കും.

 

പ്രമേഹം

ആരോഗ്യവിദഗ്ധരുടെ അഭിപ്രായത്തില്‍, കുതിര്‍ത്ത ഗോതമ്പ് രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ സഹായിക്കും. ഇതിലെ കുറഞ്ഞ ഗ്ലൈസെമിക് സൂചിക രക്തത്തിലെ പഞ്ചസാര പെട്ടെന്ന് വര്‍ധിക്കുന്നത് തടയുകയും പ്രമേഹ രോഗികള്‍ക്ക് ഗുണം ചെയ്യുകയും ചെയ്യും. പതിവായി കഴിക്കുന്നത് ഇന്‍സുലിന്റെ സംവേദനക്ഷമത മെച്ചപ്പെടുത്തുകയും ചെയ്യും.

ഹൃദയം 

കുതിര്‍ത്ത ഗോതമ്പില്‍ അടങ്ങിയിരിക്കുന്ന നാരുകളും മറ്റ് പോഷകങ്ങളും കൊളസ്‌ട്രോള്‍ കുറയ്ക്കാന്‍ മികച്ചതാണ്. ഇത് ധമനികളില്‍ പ്ലാക്ക് അടിഞ്ഞുകൂടുന്നത് തടയുകയും അതുവഴി ഹൃദ്രോഗ സാധ്യത കുറയ്ക്കുകയും ചെയ്യുന്നു. പൊട്ടാസ്യം പോലുള്ള ഘടകങ്ങള്‍ രക്തസമ്മര്‍ദ്ദം നിയന്ത്രിക്കുന്നതിനും സഹായിക്കുന്നു. 

 

പ്രതിരോധശേഷി 

ഗോതമ്പില്‍ അടങ്ങിയിരിക്കുന്ന ആന്റിഓക്‌സിഡന്റുകളും പോഷകങ്ങളും പ്രതിരോധശേഷിയെ വര്‍ധിപ്പിക്കുന്നു. ഇത് ശരീരത്തെ സീസണല്‍ രോഗങ്ങളില്‍ നിന്നും പകര്‍ച്ചവ്യാധികളില്‍ നിന്നും സംരക്ഷിക്കാനും സഹായിക്കുന്നു. പതിവായി കഴിക്കുന്നത് നിങ്ങളുടെ രോഗപ്രതിരോധ ശേഷിയെ ശക്തമായി തന്നെ നിലനിര്‍ത്തും.

 

 

ചര്‍മത്തിനും മുടിക്കും 

കുതിര്‍ത്ത ഗോതമ്പില്‍ അടങ്ങിയിരിക്കുന്ന ആന്റിഓക്‌സിഡന്റുകള്‍ ചര്‍മത്തിന് തിളക്കം നല്‍കുകയും മുടി കൊഴിച്ചില്‍ തടയുകയും ചെയ്യുന്നു. ഇത് ചര്‍മത്തിന്റെ വാര്‍ധക്യ പ്രക്രിയയെ മന്ദഗതിയിലാക്കുകയും മുടിയെ പോഷിപ്പിക്കുകയും അവയെ ശക്തവും ആരോഗ്യകരവുമായി നിലനിര്‍ത്തുകയും ചെയ്യുന്നു.

കുതിര്‍ത്ത ഗോതമ്പ് എങ്ങനെ കഴിക്കാം

ഒരു പിടി ഗോതമ്പ് ഒരു പാത്രത്തില്‍ എടുത്ത് നന്നായി കഴുകിയതിനു ശേഷം രാത്രി മുഴുവന്‍ വെള്ളത്തില്‍ കുതിര്‍ത്തു വയ്ക്കുക. രാവിലെ ഇത് വെറും വയറ്റില്‍ നന്നായി ചവച്ചരച്ച് കഴിക്കുക. അല്ലെങ്കില്‍ സാലഡില്‍ കലര്‍ത്തിയോ ചെറുതായി തിളപ്പിച്ചോ നിങ്ങള്‍ക്ക് ഇത് കഴിക്കാം. രുചിക്കായി ഇതില്‍ നാരങ്ങാനീരോ തേനോ വേണമെങ്കില്‍ ചേര്‍ക്കാവുന്നതാണ്.

 

 

In India, wheat flour is commonly used to prepare foods like roti and chapati. But have you ever tried soaking whole wheat and eating it? Soaked wheat is a powerhouse of nutrients such as fiber, protein, calcium, magnesium, potassium, and phosphorus.