ദോഹ: ഈ വര്‍ഷത്തെ ആഗോള സമാധാന സൂചികയില്‍ മിഡില്‍ ഈസ്റ്റ്, നോര്‍ത്ത് ആഫ്രിക്ക (മെന) മേഖലയില്‍ ഒന്നാം സ്ഥാനം നേടി ഖത്തര്‍. ലോക രാജ്യങ്ങള്‍ക്കിടയില്‍ 27-ാം സ്ഥാനത്താണ് ഖത്തര്‍. 163 രാജ്യങ്ങളാണ് പട്ടികയില്‍ ഉള്ളത്. ശക്തമായ നിയമവാഴ്ചയും സ്ഥിരതയാര്‍ന്ന ഭരണ സംവിധാനവുമാണ് ഖത്തറിനെ വീണ്ടും മെന മേഖലയില്‍ ഒന്നാമതെത്തിച്ചത്.

ALSO READ: വെസ്റ്റ്ബാങ്കില്‍ ജൂത കുടിയേറ്റങ്ങള്‍ വിപുലീകരിക്കണമെന്ന ഇസ്‌റാഈല്‍ മന്ത്രിയുടെ പ്രസ്താവനയെ അപലപിച്ച് സഊദിയും ഖത്തറും കുവൈത്തും

163 രാജ്യങ്ങളിലായി ഇന്‍സ്റ്റ്യൂട്ട് ഫോര്‍ ഇക്കണോമിക്‌സ് ആന്റ് പീസ് നടത്തിയ പഠനത്തിന്റെ അടിസ്ഥാനത്തിലാണ് സൂചിക തയ്യാറാക്കിയിരിക്കുന്നത്.  

ആഭ്യന്തര, അന്തര്‍ദേശീയ സംഘര്‍ഷങ്ങള്‍, സാമൂഹിക സുരക്ഷ, സൈനിക വല്‍ക്കരണം തുടങ്ങി 23 ഘടകങ്ങളെ അടിസ്ഥാനമാക്കിയാണ് ആഗോല സമാധാന സൂചിക തയ്യാറാക്കുന്നത്. മേഖലയില്‍ ഇറാനും ഇസ്‌റാഈലും തമ്മിലുണ്ടായ സംഘര്‍ഷത്തിനിടയിലും മികവ് തുടരാനായത് ഖത്തറിന്റെ നേട്ടമാണ്.

ALSO READ: കുവൈത്ത് എക്സിറ്റ് പെർമിറ്റ് നയം; ജൂലൈ ഒന്നിനു ശേഷം നൽകിയത് 35,000 എക്സിറ്റ് പെർമിറ്റുകൾ

ആഗോള രാജ്യങ്ങള്‍ക്കിടയില്‍ 31-ാം സ്ഥാനത്തുള്ള കുവൈത്താണ് സൂചികയില്‍ ഖത്തറിനു പിന്നിലുള്ള ജിസിസി രാജ്യം. ഒമാന്‍ 42-ാമതും യുഎഇ 52-ാം സ്ഥാനത്തുമാണ്. ഐസ്ലന്റാണ് ഒന്നാം സ്ഥാനത്ത്. പട്ടികയില്‍ ഇന്ത്യ 115-ാമതും അമേരിക്ക 128-ാം സ്ഥാനത്തുമാണ്.

Qatar secures the 27th spot in the Global Peace Index 2025, emerging as the most peaceful country in the MENA region, reflecting its stability and diplomatic initiatives.