തിരുവനന്തപുരം: കെഎസ്ആർടിസി ഓർഡിനറി ബസും ഫാസ്റ്റ് പാസഞ്ചറും കൂട്ടിയിടിച്ച് ഉണ്ടായ അപകടത്തിൽ നിരവധി പേർക്ക് പരുക്ക്. ഇരുപത്തഞ്ചോളം യാത്രക്കാർക്ക് പരുക്കേറ്റതായാണ് വിവരം. ആരുടെയും പരുക്ക് ഗുരുതരമല്ല എന്നാണ് പ്രാഥമിക വിവരം. എന്നാൽ ഫാസ്റ്റ് പാസഞ്ചർ ബസിന്റെ ഡ്രൈവറുടെ കാല് കമ്പികൾക്കിടയിൽ കുടങ്ങിയത് ആശങ്കയുണ്ടാക്കി. ഫയർഫോഴ്‌സ് എത്തിയാണ് അദ്ദേഹത്തെ പുറത്തെടുത്തു. ഒരുമണിക്കൂർ നീണ്ട ശ്രമത്തിനൊടുവിലാണ് അദ്ദേഹത്തെ പുറത്തെത്തിക്കാനായത്.

ഇന്ന് രാവിലെ 7.45 ഓടെയാണ് അപകടം ഉണ്ടായത്. നെയ്യാർ ഡാമിന് സമീപം കള്ളിക്കാട് പഞ്ചായത്ത് ഓഫീസിന് മുന്നിലാണ് കെഎസ്ആർടിസി ബസുകൾ കൂട്ടിയിടിച്ചത്. ബസിലെ ഡ്രൈവർമാർ ഇരിക്കുന്ന ക്യാബിനിന്റെ ഭാഗങ്ങളാണ് കൂട്ടിയിടിച്ചത്. പരുക്കേറ്റവരെ സമീപത്തെ ആശുപത്രിയിലേക്ക് മാറ്റിയിട്ടുണ്ട്. ഡ്രൈവർമാരെ മെഡിക്കൽ കോളേജിലേക്ക് മാറ്റി.

A collision between a KSRTC ordinary bus and a fast passenger bus has left around 25 passengers injured, according to initial reports. Fortunately, none of the injuries are reported to be serious. The situation turned tense when the driver of the fast passenger bus got his leg trapped between the metal parts of the vehicle following the crash. The Fire and Rescue Department was called to the scene and carried out a rescue operation.