ന്യൂഡൽഹി: മുൻ ചീഫ് ജസ്റ്റിസ് ഡി.വൈ ചന്ദ്രചൂഡിനോട് വസതി ഒഴിയാൻ നിർദേശം നൽകി സുപ്രിം കോടതി. ചീഫ് ജസ്റ്റിസിന്റെ ഔദ്യോഗിക വസതിയായ കൃഷ്ണമേനോൻ ബംഗ്ലാവ് അടിയന്തരമായി ഒഴിയണമെന്നാണ് നിർദേശം. കേന്ദ്ര സർക്കാർ നൽകിയ കത്തിനെ തുടർന്നാണ് സുപ്രിം കോടതിയുടെ നടപടി. വിരമിച്ചതിന് ശേഷം തുടരാവുന്ന പരമാവധി സമയവും കഴിഞ്ഞതിനെ തുടർന്നാണ് നടപടി. 

വിരമിച്ചശേഷം ഔദ്യോഗിക വസതിയിൽ തുടരാനുള്ള പരമാവധി കാലാവധി ആറുമാസം വരെയാണ്. കഴിഞ്ഞ നവംബറിലാണ് ചീഫ് ജസ്റ്റിസ് പദവിയിൽ നിന്ന്  ഡി.വൈ ചന്ദ്രചൂഡ് വിരമിച്ചത്. എന്നാൽ സമയം കഴിഞ്ഞ് രണ്ട് മാസം അധികം കഴിഞ്ഞിട്ടും ചന്ദ്രചൂഡ് ഇപ്പോഴും ഔദ്യോഗിക വസതിയിൽ തുടരുകയാണ്. എന്നാൽ അദ്ദേഹത്തിന്റെ പിൻഗാമിയായി എത്തിയ മുൻ ചീഫ് ജസ്റ്റിസ് സഞ്ജീവ് ഖന്ന ഔദ്യോഗിക വസതിയിലേക്ക് മാറിയിരുന്നില്ല. നിലവിലെ ചീഫ് ജസ്റ്റിസ് ബി.ആർ ഗവായിയും ചീഫ് ജസ്റ്റിസിന്റെ ഒദ്യോഗിക വസതിയിലേക്ക് മാറിയിട്ടില്ല. 

ALSO READ: മെഡിക്കല്‍ വിദ്യാഭ്യാസരംഗത്തെ ഞെട്ടിക്കുന്ന അഴിമതി: സിബിഐ പ്രതിപ്പട്ടികയില്‍ ആള്‍ദൈവം, യുജുസി മുന്‍ മേധാവി ഉള്‍പ്പെടെ 36 പേര്‍; അഴിമതിപ്പണം ക്ഷേത്ര നിര്‍മാണത്തിനും ചെലവിട്ടു |India's Biggest Medical Scam

എന്നാൽ വ്യക്തിപരമായ സാഹചര്യങ്ങളാണ് വീട് ഒഴിയാനുള്ള കാലതാമസത്തിന് കാരണമെന്നാണ് ജസ്റ്റിസ് ചന്ദ്രചൂഡ് സുപ്രീംകോടതിയെ അറിയിച്ചിരിക്കുന്നത്. ചീഫ് ജസ്റ്റിസ് ബി.ആർ ഗവായിയുമായി താൻ സംസാരിച്ചിട്ടുണ്ടെന്നും എത്രയും പെട്ടെന്ന് ഒഴിഞ്ഞുപോകുമെന്ന് അദ്ദേഹത്തിന് ഉറപ്പ് നൽകിയിട്ടുണ്ടെന്നും അദ്ദേഹം പറഞ്ഞു.

The Supreme Court has directed former Chief Justice of India D.Y. Chandrachud to vacate the official residence, the Krishna Menon Bungalow, without further delay. This directive comes in response to a letter from the Central Government, highlighting that the permissible post-retirement stay period had already expired. The Krishna Menon Marg bungalow is designated for the serving Chief Justice of India, and continued occupation post-retirement is not permitted beyond a specific grace period.