കോഴിക്കോട്: രണ്ടാമത് ശൈഖുൽ ഹദീസ് സ്മാരക അവാർഡ് പ്രമുഖ പണ്ഡിതനും സമസ്ത മുശാവറ അംഗവുമായ സി.കെ അബ്ദുറഹ്മാൻ ഫൈസി അരിപ്രയ്ക്ക് നൽകും. ചരിത്രപ്രസിദ്ധമായ ഹൈദരാബാദ് ജാമിഅഃ നിസാമിയ പൂർവവിദ്യാർഥി സംഘടനയായ അമാൻ സംസ്ഥാന കമ്മിറ്റി, പ്രശസ്ത ഹദീസ് പണ്ഡിതൻ മർഹൂം ഉംദത്തുൽ മുഹദ്ദിസീൻ ഖാജ ശരീഫ് സാഹിബിന്റെ പേരിൽ ഏർപ്പെടുത്തിയ അവാർഡ് ആണ് ഹദീസ് സ്മാരക അവാർഡ്. 

സയ്യിദ് ഒ.എം.എസ് തങ്ങൾ നിസാമി മേലാറ്റൂർ, മൂസ നിസാമി കാസർകോട്, റാഫി നിസാമി കരിറ്റിപ്പറമ്പ്, മൊയ്തീൻ നിസാമി എന്നിവരടങ്ങിയ ജൂറിയാണ് സി.കെ അബ്ദുറഹ്മാൻ ഫൈസിയെ അവാർഡിനായി തെരഞ്ഞെടുത്തത്. ജൂലൈ 17 കോഴിക്കോട് വെച്ച് നടക്കുന്ന സംസ്ഥാന സംഗമത്തിൽ വെച്ചായിരിക്കും അവാർഡ് സമ്മാനിക്കുക. 

നേരത്തെ, ഒന്നാമത് ശൈഖുൽ ഹദീസ് സ്മാരക അവാർഡ് സമസ്ത ജനറൽ സെക്രട്ടറി പ്രൊഫസർ കെ. ആലിക്കുട്ടി മുസ്‌ലിയാർക്ക് സമ്മാനിച്ചിരുന്നു.

ALSO READ: ഒ.ബി.സി വിഭാഗങ്ങള്‍ക്കും സുപ്രിംകോടതിയില്‍ സംവരണം; എല്ലാ തസ്തികയ്ക്കും നയം ബാധകം

The second Shaikhul Hadees Memorial Award will be presented to C.K. Abdul Rahman Faizi Aripra, a renowned Islamic scholar and a member of the Samastha Mushawara.