കൊല്ലം: അഴീക്കൽ തീരത്ത് ഡോൾഫിന്റെ ജഡം അടിഞ്ഞു. അഴീക്കൽ ഹാർബറിന് സമീപത്താണ് ഡോൾഫിന്റെ ജഡം അടിഞ്ഞത്. ഇന്ന് രാവിലെയാണ് അഴീക്കൽ ഹാർബറിനരികെ ഡോൾഫിന്റെ ജഡം അടിഞ്ഞത്.  മത്സ്യത്തൊഴിലാളികളാണ് ആദ്യം ജഡം കണ്ടത്. ഉടനെ തന്നെ ഫിഷറീസ് വകുപ്പ് ഉദ്യോഗസ്ഥരെയും പൊലിസിനെയും വിവരം അറിയിക്കുകയായിരുന്നു. ഉദ്യോഗസ്ഥർ സംഭവത്ത സ്ഥലത്തെത്തി ജഡം അവിടെ നിന്ന് മാറ്റുകയും ചെയ്തു.  

നേരത്തെ ആറാട്ടുപുഴ തറയിൽ കടവിന് സമീപത്തും കണ്ടെയ്നർ അടിഞ്ഞ ഭാഗത്ത് ഡോൾഫിനെ ചത്ത നിലയിൽ കണ്ടെത്തിയിരുന്നു.  കണ്ടെയ്നർ അടിഞ്ഞ സ്ഥലത്ത് നിന്നും 200 മീറ്ററോളം മാറി അഴീക്കോടൻ നഗറിനു സമീപത്തായിരുന്നു ഡോൾഫിന്റെ ജഡം കണ്ടെത്തിയിരുന്നത്.  ഓഷ്യൻ സൊസൈറ്റി ഓഫ് ഇന്ത്യയുടെ നേതൃത്വത്തിൽ തീരദേശം വൃത്തിയാക്കുന്നതിനിടെയാണ് ജഡം കണ്ടത്. പോസ്റ്റ് മോർട്ടത്തിനുശേഷം ഡോൾഫിന്റെ ജഡം മറവ് ചെയ്യും. 

Dolphin found dead on Azhikkal beach in Kollam