കൊല്ലം: ഷാർജയിൽ ഒന്നരവയസുകാരി മകളുമായി ജീവനൊടുക്കിയ കേരളപുരം സ്വദേശി വിപഞ്ചിക മണിയന്റെ സംസ്കാരം ഇന്ന്  വൈകിട്ടോടെ നടക്കും. ഇന്നലെ വൈകുന്നേരത്തോടെ ദുബൈയിൽ നിന്ന് എയർ ഇന്ത്യാ എക്സ്പ്രസ് വിമാനത്തിലാണ് മൃതദേഹം തിരുവനന്തപുരത്തേക്ക് കൊണ്ടുവന്നത്. മാതാവ് ഷൈലജയും സഹോദരൻ വിനോദും മൃതദേഹത്തെ അനുഗമിച്ചു. 

മൃതദേഹം തിരുവനന്തപുരം മെഡിക്കൽ കോളജിലായിരിക്കും സൂക്ഷിക്കുക. തുടർന്ന് റീ പോസ്റ്റുമോർട്ടത്തിനു ശേഷം ഉച്ചയോടെ കേരളപുരത്തെ വീട്ടിലെത്തിക്കും. വൈകിട്ടോടെ കേരളപുരത്തുള്ള വീട്ടിൽ സംസ്കാരം നടക്കും. ഒന്നര വയസുള്ള മകൾ വൈഭവിയുടെ മൃതദേഹം 17ന് ദുബെെയിൽ സംസ്കരിച്ചിരുന്നു.

ALSO READ: മുംബൈ ട്രെയിന്‍ സ്‌ഫോടനക്കേസ്: നിയമയുദ്ധം വിജയിച്ചത് കാണാന്‍ ഗുല്‍സാര്‍ ആസ്മിയും ഷാഹിദ് ആസ്മിയും ഇല്ല

കഴിഞ്ഞ എട്ടിണ് ദുബൈയിലെ സ്വകാര്യ കമ്പനിയിൽ എച്ച്.ആർ വിഭാഗത്തിൽ ജോലി ചെയ്തിരുന്ന കൊല്ലം കേരളപുരം സ്വദേശി വിപഞ്ചിക മണിയനെയും മകൾ വൈഭവിയെയും ഷാർജ അൽ നഹ്ദയിലെ ഫ്ലാറ്റിൽ ഒരേ കയറിൽ തൂങ്ങിമരിച്ച നിലയിൽ കണ്ടെത്തിയത്. കുഞ്ഞിനെ കഴുത്തു ഞെരിച്ച് കൊന്ന ശേഷമാണ് കയറിൽ കെട്ടിത്തൂക്കിയതെന്നായിരുന്നു വൈഭവിയുടെ പോസ്റ്റ്മോർട്ടം റിപ്പോർട്ട്. 

മാതാവ് ഷൈലജ നൽകിയ പരാതിയിൽ വിപഞ്ചികയുടെ ഭർത്താവ് ദുബൈയിലെ സ്വകാര്യ കമ്പനിയിൽ എൻജിനീയറായിരുന്ന നിതീഷ് മോഹനെ ഒന്നാം പ്രതിയാക്കി കുണ്ടറ പൊലിസ് കേസെടുത്തിട്ടുണ്ട്. ഇയാളുടെ സഹോദരി നീതു രണ്ടാം പ്രതിയും പിതാവ് മോഹനൻ മൂന്നാം പ്രതിയുമാണ്.

The funeral of Vipanchika Maniyan, a native of Keralapuram who tragically ended her life in Sharjah along with her one-and-a-half-year-old daughter, will take place this evening. Her mortal remains were brought to Thiruvananthapuram from Dubai yesterday evening via an Air India Express flight. Her mother Shailaja and brother Vinod accompanied the body.