കൊച്ചി: വിമാനത്തിനുള്ളിൽ വെച്ച് മുഖ്യമന്ത്രി പിണറായി വിജയനെതിരെ പ്രതിഷേധിച്ച യൂത്ത് കോൺഗ്രസ് നേതാവ് ഫർസിൻ മജീദിനെതിരെ വീണ്ടും പ്രതികാര നടപടി എടുക്കുന്നതായി പരാതി. ഫർസീൻ മജീദിന്റെ ഒരു വർഷത്തെ ശമ്പള വർധനവ് തടഞ്ഞതാണ് വകുപ്പ് വീണ്ടും വകുപ്പുതല നടപടി എടുത്തതെന്നാണ് പരാതി. നേരത്തെ പ്രതിഷേധിച്ചതിന്, മുഖ്യമന്ത്രിയെ വധിക്കാൻ ശ്രമിച്ചെന്ന പേരിൽ ഇയാൾക്കെതിരെ കേസെടുത്തിരുന്നു. എന്നാൽ ഇതുവരെയും കുറ്റപത്രം പൊലിസ് സമർപ്പിച്ചിട്ടില്ല.

മുഖ്യമന്ത്രിയുടെ ഗൺമാനും പി.എക്കും എതിരെ ഫർസീൻ മജീദ് നേരത്തെ പരാതി നൽകിയിരുന്നു. ഈ പരാതി പിൻവലിക്കാത്തതാണ് തനിക്കെതിരെയുള്ള പ്രതികാര നടപടിക്ക് കാരണമെന്ന് യൂത്ത് കോൺഗ്രസ് നേതാവ് പറയുന്നു. വയ്പ്പ് നടപടിയെ നിയമപരമായി നേരിടുമെന്നും ഫർസീൻ പറഞ്ഞു. ഫർസീൻ മജീദിന്റെ ഒരു വർഷത്തെ ശമ്പള വർധനവ് തടഞ്ഞു എന്ന് കാണിച്ച് മുട്ടന്നുർ യു.പി സ്‌കൂൾ മാനേജർ നോട്ടിസ് നൽകിയിരുന്നു. 

അതേസമയം, മുഖ്യമന്ത്രിയെ വധിക്കാൻ ശ്രമിച്ചെന്ന കേസിൽ മൂന്നുവർഷമായിട്ടും പ്രതിക്കെതിരെ കുറ്റപത്രം പോലും നൽകാനാകാത്ത വിധം പൊലിസ് പരാജയപ്പെട്ടെന്നും ഫർസിന് മജീദ് പറഞ്ഞു. സംഭവം നടന്ന് മൂന്ന് വർഷമായിട്ടും പൊലിസ് ഇതുവരെ കുറ്റപത്രം സമർപ്പിച്ചിട്ടില്ല.

നേരത്തെ ആറ് മാസത്തേക്ക് ഫർസിനെ സർവീസിൽ നിന്ന് സസ്‌പെൻഡ് ചെയ്യുകയും പിന്നീട് തിരിച്ചെടുക്കുകയും ചെയ്തിരുന്നു. എന്നാൽ ഇതിന് പിന്നാലെ തുടരെ വകുപ്പ് തല നടപടികൾ എടുത്ത് ഫർസിനെതിരെ പ്രതികാരം ചെയ്യുകയാണ് എന്നാണ് ഫർസിൻ ആരോപിക്കുന്നത്. നിയമപരമായി ഇതിനെ നേരിടുമെന്നാണ് ഫർസിൻ പറയുന്നത്.

Youth Congress leader Farseen Majeed, who had earlier staged a protest against Chief Minister Pinarayi Vijayan onboard a flight, is reportedly facing fresh departmental action. According to the complaint, the department has now withheld his annual salary increment for one year as a punitive measure.