കോഴിക്കോട്: കായക്കൊടി ഉണ്ണിയത്തംകണ്ടി മീത്തലിൽ ശ്രീകൃഷ്ണ ജയന്തി ആഘോഷവുമായി ബന്ധപ്പെട്ട് പരസ്യപ്രചാരണം നടത്തുകയായിരുന്ന ജീപ്പ് നിയന്ത്രണം വിട്ട് താഴ്ചയിലുള്ള വീട്ടുമുറ്റത്തേക്ക് മറിഞ്ഞു. അപകടത്തിൽ അഞ്ച് പേർക്ക് പരുക്കേറ്റു. ഇന്ന് വൈകിട്ടോടെയാണ് അപകടം സംഭവിച്ചത്.

പിറകോട്ടെടുക്കുന്നതിനിടെ ഡ്രൈവർക്ക് ജീപ്പിന്റെ നിയന്ത്രണം നഷ്ടപ്പെട്ട് തലകീഴായി മറിയുകയായിരുന്നു. അപകടത്തിൽ ജീപ്പിൽ ഉണ്ടായിരുന്നവർക്കാണ് പരുക്കേറ്റത്. പരുക്കേറ്റ ഇവരെ ഉടൻ തന്നെ കുറ്റ്യാടി ഗവൺമെന്റ് താലൂക്ക് ആശുപത്രിയിൽ പ്രവേശിപ്പിക്കുകയും ചികിത്സ നൽകുകയും ചെയ്തു.

ALSO READ: കോഴിക്കോട് നാടൻ തോക്ക് നിർമ്മാണത്തിനിടെ മധ്യവയസ്കൻ പൊലിസ് പിടിയിൽ

അപകടത്തിൽ സമീപത്തെ വൈദ്യുതി പോസ്റ്റിനും വീടിനും കേടുപാടുകൾ സംഭവിച്ചിട്ടുണ്ട്. പൊലിസ് സ്ഥലത്തെത്തി അന്വേഷണം ആരംഭിച്ചു.

In Kozhikode's Kayakkodi, a jeep used for Sri Krishna Jayanti announcement overturned into a house courtyard, injuring five people. The vehicle lost control while reversing, causing damage to a nearby electric post and the house. The injured were treated at Kuttiyadi Government Taluk Hospital.