വെസ്റ്റ് ഇൻഡീസിനെതിരായ അഞ്ചു ടി-20 മത്സരങ്ങളുടെ പരമ്പരയിലെ മൂന്നാം മത്സരത്തിൽ ഓസ്‌ട്രേലിയക്കായി സെഞ്ച്വറി നേടി തിളങ്ങി ടിം ഡേവിഡ്. മത്സരത്തിൽ 37 പന്തിൽ പുറത്താവാതെ 102 റൺസ് നേടിയാണ് ടിം ഡേവിഡ് തിളങ്ങിയത്. ആറ് ഫോറുകളും 11 കൂറ്റൻ സിക്സുകളും ആണ് താരം നേടിയത്.

മത്സരത്തിലെ 11 സിക്സറുകൾക്ക് പിന്നാലെ ഓസ്‌ട്രേലിയക്ക് വേണ്ടി ഒരു ടി-20 ഇന്നിംഗ്‌സിൽ ഏറ്റവും കൂടുതൽ സിക്‌സറുകൾ നേടുന്ന രണ്ടാമത്തെ താരമായി മാറാനും ടിം ഡേവിഡിന് സാധിച്ചു. 14 സിക്‌സറുകൾ നേടിയ മുൻ താരം ആരോൺ ഫിഞ്ച് ആണ് ഈ നേട്ടത്തിൽ രണ്ടാം സ്ഥാനത്തുള്ളത്. 2013ൽ ഇംഗ്ലണ്ടിനെതിരെയാണ് ഫിഞ്ച് 14 സിക്‌സറുകൾ നേടിയത്. ഈ പട്ടികയിൽ മൂന്നാം സ്ഥാനത്തുള്ളതും ഫിഞ്ച് തന്നെയാണ്. സിംബാബ്‌വേക്കെതിരെ 2018ൽ നടന്ന മത്സരത്തിൽ 10 സിക്സറുകളായിരുന്നു ഫിഞ്ച് നേടിയിരുന്നത്. 

ALSO READ: വിൻഡീസിനെ നിലംതൊടാതെ പറത്തി; ഓസ്‌ട്രേലിയൻ കൊടുങ്കാറ്റിൽ പിറന്നത് ചരിത്രം

മത്സരത്തിൽ ഓസ്‌ട്രേലിയ ആറ് വിക്കറ്റിന്റെ തകർപ്പൻ വിജയമാണ് നേടിയത്. മത്സരത്തിൽ ആദ്യം ബാറ്റ് ചെയ്ത വെസ്റ്റ് ഇൻഡീസ് 20 ഓവറിൽ നാല് വിക്കറ്റ് 214 റൺസിന്റെ കൂറ്റൻ ടോട്ടലാണ് നേടിയത്. വിജയലക്ഷ്യം പിന്തുടർന്ന കങ്കാരുപ്പട ആറ് വിക്കറ്റുകളും 23 പന്തുകളും ബാക്കി നിൽക്കെ ലക്ഷ്യം മറികടക്കുകയായിരുന്നു. 

നേരത്തെ ആദ്യം ബാറ്റ് ചെയ്ത വെസ്റ്റ് ഇൻഡീസിനായി ക്യാപ്റ്റൻ ഷായ് ഹോപ്പും സെഞ്ച്വറി നേടിയിരുന്നു. 57 പന്തിൽ പുറത്താവാതെ 102 റൺസാണ് വിൻഡീസ് ക്യാപ്റ്റൻ നേടിയത്. എട്ട് ഫോറുകളും ആറ് സിക്സുമാണ് താരം നേടിയത്. ബ്രാണ്ടൻ കിംഗ് അർദ്ധ സെഞ്ച്വറിയും നേടി. 36 പന്തിൽ മൂന്ന് ഫോറുകളും ആറ് സിക്‌സും അടക്കം 62 റൺസാണ് ബ്രാണ്ടൻ കിംഗ് നേടിയത്. 

Tim David shined for Australia in the third match of the five-match T20I series against the West Indies by scoring a century. Tim David shone in the match by scoring an unbeaten 102 runs off 37 balls. The player hit six fours and 11 huge sixes. Tim David also became the second player to hit the most sixes in a T20 innings for Australia, after hitting 11 sixes in the match.