ദുബൈ: സ്വര്‍ണ വില കുത്തനെ ഉയരുന്നതിനിടെ ആഭ്യന്തര വിപണിയില്‍ ആവശ്യക്കാര്‍ കുറഞ്ഞുവരുന്നത് കണക്കിലെടുത്ത് ഉപഭോക്താക്കളെ ആകര്‍ഷിക്കാന്‍ യുഎഇയിലെയും ദുബൈയിലെയും സ്വര്‍ണ വ്യാപാരികള്‍ ലാഭവിഹിതം വലിയ തോതില്‍ കുറയ്ക്കുന്നതായി റിപ്പോര്‍ട്ടുകള്‍. ഇതിന് പുറമേ പണിക്കൂലിയിലും ഇളവുകള്‍ നല്‍കുന്നു. സ്വര്‍ണവില കുത്തനെ ഉയര്‍ന്നിട്ടും സ്വര്‍ണം വാങ്ങുന്നവര്‍ക്ക് അധിക ബാധ്യത വരാതിരിക്കാനാണിത്. കഴിഞ്ഞ ദിവസം സ്വര്‍ണം സര്‍വകാല റെക്കോര്‍ഡില്‍ എത്തിയിരുന്നു. 24 കാരറ്റ് സ്വര്‍ണം ഗ്രാമിന് 440.5 ദിര്‍ഹവും 22 കാരറ്റ് സ്വര്‍ണം ഗ്രാമിന് 408 ദിര്‍ഹവുമായിരുന്നു കഴിഞ്ഞ ദിവസം. ഇതില്‍ പിന്നീട് നേരിയ കുറവ് രേഖപ്പെടുത്തിയിരുന്നു.

ALSO READ: സ്വര്‍ണത്തിന് കേരളത്തില്‍ ഇന്ന് ഒരു വിഭാഗം വില കുറച്ചു, നേരിയ കുറവ്; പവന് വില ലക്ഷം കടക്കുമെന്ന് തന്നെ പ്രവചനം 

സ്വര്‍ണ വില വന്‍തോതില്‍ ഉയര്‍ന്നതിന് പിന്നാലെ, സ്വര്‍ണം വാങ്ങുന്നവരെ പിന്തുണയ്ക്കുന്നതിനായി യുഎഇയിലെ പല ജ്വല്ലറി ഉടമകളും ലാഭവിഹിതം കുറച്ചിരുന്നു. നിലവിലുള്ള വില്‍പ്പന നിലനിര്‍ത്താന്‍ പണിക്കൂലിയില്‍ വലിയ തോതിലുള്ള കുറവാണ് പല ജ്വല്ലറികളും വരുത്തുന്നത്. രാജ്യത്തെ ചില ജ്വല്ലറികള്‍ പണിക്കൂലിയില്‍ 25 ശതമാനം വരെ ഇളവ് നല്‍കുന്നുണ്ട്.

പണിക്കൂലിയിലെ കുറവിനും ലാഭവിഹിതം കുറച്ചതിനും പുറമേ, ഗോള്‍ഡ് കോയിനുകള്‍ സൗജന്യമായി നല്‍കുക, വില മുന്‍കൂട്ടി ഉറപ്പാക്കാനുള്ള സൗകര്യം, വൗച്ചറുകള്‍ തുടങ്ങിയ ആനുകൂല്യങ്ങളും സ്വര്‍ണ വ്യാപാരികള്‍ നല്‍കുന്നു. ചില ജ്വല്ലറികള്‍ ആഭരണങ്ങള്‍ക്ക് പൂജ്യം പണിക്കൂലി എന്ന ഓഫറും മുന്നോട്ടുവെക്കുന്നുണ്ട്. സ്വര്‍ണവില എല്ലായ്‌പ്പോഴും തുല്യമായിരിക്കുമെന്നതിനാല്‍ ഉപഭോക്താക്കള്‍ക്ക് പണം ലാഭിക്കാനുള്ള ഏക വഴി പണിക്കൂലിയിലെ ഇളവുകളാണ്.

ALSO READ: ഇന്നും റെക്കോര്‍ഡ്; ഈ മാസം മാത്രം സ്വര്‍ണവിലയില്‍ 3960 രൂപയുടെ വര്‍ധന, കാല്‍ പവന്റെ മോതിരം വാങ്ങാന്‍ എത്ര വേണം

3,000 ദിര്‍ഹം മുതല്‍ 7,500 ദിര്‍ഹം വരെയുള്ള പര്‍ച്ചേഴ്‌സുകള്‍ക്ക് മാത്രമായിരിക്കും ഇത്തരത്തിലുള്ള ആനുകൂല്യങ്ങള്‍ ലഭിക്കുക.

Gold sales in the UAE are booming despite a sharp rise in prices. Discover the key factors driving this trend, including cultural significance, investment demand, and market dynamics.