തിരുവനന്തപുരം: ഫോണ്‍ കോള്‍ വിവാദത്തിന് പിന്നാലെ തിരുവനന്തപുരം ഡിസിസി പ്രസിഡന്റ് പാലോട് രവി രാജിവെച്ചു. രാജി കെപിസിസി നേതൃത്വം സ്വീകരിച്ചതായി പ്രസിഡന്റ് സണ്ണി ജോസഫ് അറിയിച്ചു. നേതൃത്വത്തിന്റെ ആവശ്യപ്രകാരമാണ് രാജിയെന്നാണ് റിപ്പോര്‍ട്ട്. പാലോട് രവി ഫോണില്‍ സംസാരിച്ച ജലീലിനെ സസ്‌പെന്‍ഡ് ചെയ്യുകയും ചെയ്തു. 

രാജിവെച്ചില്ലെങ്കില്‍ നടപടിയെടുക്കേണ്ടി വരുമെന്ന് നേതൃത്വം രവിക്ക് മുന്നറിയിപ്പ് നല്‍കിയിരുന്നു. പിന്നാലെയാണ് രാജി. രവി ഫോണില്‍ സംസാരിച്ച വാമനപുരം കോണ്‍ഗ്രസ് ബ്ലോക്ക് ജനറല്‍ സെക്രട്ടറി ജലീലിനെ പാര്‍ട്ടിയുടെ പ്രാഥമിക അംഗത്വത്തതില്‍ സസ്‌പെന്‍ഡ് ചെയ്തതായും കെപിസിസി നേതൃത്വം അറിയിച്ചു. സംഘടനാ വിരുദ്ധ പ്രവര്‍ത്തനം നടത്തിയെന്ന് പ്രഥമദൃഷ്ടിയാല്‍ ബോധ്യപ്പെട്ടതിനാലാണ് നടപടിയെന്ന് സണ്ണി ജോസഫ് അറിയിച്ചു. പാലോട് രവിയുമായുള്ള ഫോണ്‍ സംഭാഷണം ജലീലാണ് പുറത്തുവിട്ടത്.

ALSO READ: കാലിക്കറ്റ് യൂണിവേഴ്സിറ്റി യൂണിയൻ തെരഞ്ഞെടുപ്പ്; ചരിത്രം രചിച്ച് എംഎസ്എഫ്; ഭരണം നിലനിർത്തി യുഡിഎസ്എഫ് 

അതേസമയം ഫോണ്‍ സംഭാഷണം പുറത്തുവന്നതിന് പിന്നാലെ വിഷയത്തില്‍ നടപടിയുണ്ടാകുമെന്ന് കെപിസിസി അധ്യക്ഷന്‍ വ്യക്തമാക്കിയിരുന്നു. സംഭാഷണം രവി നിഷേധിക്കാത്ത സാഹചര്യത്തില്‍ കടുത്ത നടപടിയിലേക്ക് കെപിസിസി നേതൃത്വം കടക്കുമെന്ന് സൂചനയുണ്ടായിരുന്നു. 

ജലീലുമായി നടത്തിയ ഫോണ്‍ സംഭാഷണത്തില്‍ കോണ്‍ഗ്രസിനെതിരെ കടുത്ത ഭാഷയിലാണ് പാലോട് രവി പ്രതികരിച്ചത്. നിലവിലെ സ്ഥിതി തുടര്‍ന്നാല്‍ വരുന്ന പഞ്ചായത്ത് തിരഞ്ഞെടുപ്പിലും പാര്‍ട്ടി 
മൂന്നാം സ്ഥാനത്തേക്ക് പോകുമെന്നും നിയമസഭയില്‍ ഉച്ചികുത്തി താഴെ വീഴുമെന്നുമാണ് രവി പറഞ്ഞത്. എല്‍ഡിഎഫ് തുടര്‍ഭരണം നേടി മൂന്നാമതും അധികാരത്തിലെത്തുമെന്നും, പാര്‍ലമെന്റ് തിരഞ്ഞെടുപ്പില്‍ കാശ്കൊടുത്ത് വോട്ട് വാങ്ങിച്ചതുപോലെ നിയമസഭയിലും ബിജെപി വോട്ടുമറിക്കുമെന്നും രവി പറഞ്ഞു. 

അതോടുകൂടി ഈ പാര്‍ട്ടിയുടെ അധോഗതിയാകും. മുസ്ലിം വിഭാഗത്തിലുള്ളവര്‍ സിപിഎമ്മിലേക്കും മറ്റു പാര്‍ട്ടികളിലേക്കും ചേക്കേറും. മറ്റുചിലര്‍ ബിജെപിയിലേക്ക് പോകും. പഞ്ചായത്ത് തിരഞ്ഞെടുപ്പും നിയമസഭാ തിരഞ്ഞെടുപ്പും കഴിയുമ്പോള്‍ കോണ്‍ഗ്രസ് എടുക്കാ ചരക്കാകും. എന്നിങ്ങനെയായിരുന്നു പാലോടിന്റെ ഫോണ്‍ സംഭാഷണം. 

Following the phone call controversy, Palode Ravi has resigned from his post as Thiruvananthapuram DCC President. The KPCC leadership has accepted his resignation, reportedly submitted at the request of the party leadership. Ravi also suspended Jaleel, the person he was speaking to in the controversial call.