സൗത്ത് ആഫ്രിക്കക്കെതിരായ ഏകദിന, ടി-20 പരമ്പരക്കുള്ള  ഓസ്‌ട്രേലിയൻ ടീമിനെ പ്രഖ്യാപിച്ചു. മൂന്ന് ഏകദിനവും മൂന്ന് ടി-20യുമാണ് പരമ്പരയിൽ ഉള്ളത്. ഓഗസ്റ്റ് 10 മുതലാണ് പരമ്പരക്ക് തുടക്കമാവുന്നത്. മിച്ചൽ മർശിന്റെ കീഴിലാണ് ഓസ്‌ട്രേലിയ സൗത്ത് ആഫ്രിക്കക്കെതിരെ കളത്തിൽ ഇറങ്ങുന്നത്. പാറ്റ് കമ്മിൻസ്, മിച്ചൽ സ്റ്റാർക്ക് എന്നിവർക്ക് വിശ്രമം അനുവദിച്ചു. 

വെസ്റ്റ് ഇൻഡീസിനെതിരായ ടി-20 പരമ്പരയിൽ മികച്ച പ്രകടനം നടത്തിയ യുവതാരം മൈക്കൽ ഓവൻ ഏകദിന ടീമിൽ ഇടം പിടിച്ചു. അരങ്ങേറ്റ പരമ്പരയിൽ തന്നെ മികച്ച പ്രകടനമാണ് ഓവൻ നടത്തിയത്. 

വിൻഡീസിനെതിരായ ആദ്യ ടി-20യിൽ മൈക്കൽ ഓവൻ 27 പന്തിൽ 50 റൺസും നേടി. ആറ് കൂറ്റൻ സിക്സുകളാണ് താരത്തിന്റെ ബാറ്റിൽ നിന്നും പിറന്നത്. ഇതോടെ അരങ്ങേറ്റ മത്സരത്തിൽ ഓസ്‌ട്രേലിയക്കായി 50+ റൺസ് നേടുന്ന മൂന്നാമത്തെ താരമായി മാറാനും ഓവന് സാധിച്ചു. ഡേവിഡ് വാർണർ, റിക്കി പോണ്ടിങ് എന്നിവർക്ക് ശേഷമാണ് ഓവൻ ഈ നേട്ടം കൈവരിക്കുന്നത്.

ALSO READ: സച്ചിന്റെ റെക്കോർഡ് തകർക്കാൻ അവന് കഴിയും: ജോസ് ബട്ലർ  

അഞ്ചു ടി-20 മത്സരങ്ങളുടെ പരമ്പര സംബ്ബർണമായി വിജയിച്ചാണ് ഓസ്ട്രേലിയ നിലവിലെ വേൾഡ് ടെസ്റ്റ് ചാമ്പ്യൻഷിപ്പ്  ചാമ്പ്യന്മാർക്കെതിരെ കളത്തിൽ ഇറങ്ങുന്നത്. അവസാന മത്സരത്തിൽ മൂന്ന് വിക്കറ്റുകളുടെ വിജയമാണ് കങ്കാരുപ്പട സ്വന്തമാക്കിയത്. മത്സരത്തിൽ ആദ്യം ബാറ്റ് ചെയ്ത വെസ്റ്റ് ഇൻഡീസ് 19.4 ഓവറിൽ 170 റൺസിന്‌ പുറത്താവുകയായിരുന്നു. വിജയലക്ഷ്യം പിന്തുടർന്നിറങ്ങിയ ഓസ്‌ട്രേലിയ 17 ഓവറിൽ ഏഴ് വിക്കറ്റ് നഷ്ടത്തിൽ ലക്ഷ്യം മറികടന്നു. ഈ മികച്ച ഫോം സൗത്ത് ആഫ്രിക്കക്കെതിരെയും ആവർത്തിക്കുമെന്നാണ് പ്രതീക്ഷിക്കുന്നത്. 

ഓസ്‌ട്രേലിയൻ ടി-20 സ്ക്വാഡ്

മിച്ചൽ മാർഷ് (ക്യാപ്റ്റൻ), ഷോൺ ആബട്ട്, ടിം ഡേവിഡ്, ബെൻ ഡ്വാർഷുയിസ്, നഥാൻ എല്ലിസ്, കാമറൂൺ ഗ്രീൻ, ജോഷ് ഹേസൽവുഡ്, ട്രാവിസ് ഹെഡ്, ജോഷ് ഇംഗ്ലിസ്, മാറ്റ് കുഹ്നെമാൻ, ഗ്ലെൻ മാക്സ്വെൽ, മിച്ചൽ ഓവൻ, മാത്യു ഷോർട്ട്, ആദം സാംപ.

 ഓസ്‌ട്രേലിയ ഏകദിന സ്ക്വാഡ്

മിച്ചൽ മാർഷ് (ക്യാപ്റ്റൻ), സേവ്യർ ബാർട്ട്ലെറ്റ്, അലക്സ് കാരി, ബെൻ ഡ്വാർഷുയിസ്, നഥാൻ എല്ലിസ്, കാമറൂൺ ഗ്രീൻ, ജോഷ് ഹേസൽവുഡ്, ട്രാവിസ് ഹെഡ്, ജോഷ് ഇംഗ്ലിസ്, മാർനസ് ലാബുഷാഗ്നെ, ലാൻസ് മോറിസ്, മിച്ചൽ ഓവൻ, മാത്യു ഷോർട്ട്, ആദം സാംപ

സൗത്ത് ആഫ്രിക്ക ടി-20 സ്‌ക്വാഡ്

ഐഡൻ മാർക്രം (ക്യാപ്റ്റൻ), കോർബിൻ ബോഷ്, ഡെവാൾഡ് ബ്രെവിസ്, നാൻഡ്രെ ബർഗർ, ജോർജ്ജ് ലിൻഡെ, ക്വേന മഫാക, സെനുരൻ മുത്തുസാമി, ലുങ്കി എൻഗിഡി, എൻകാബ പീറ്റർ, ലുഹാൻ-ഡ്രെ പ്രിട്ടോറിയസ്, കാഗിസോ റബാഡ, റയാൻ റിക്കൽട്ടൺ, ട്രിസ്റ്റൻ സ്റ്റബ്സ്, പ്രെനെലൻ സുബ്രയേൻ, റാസി വാൻ ഡെർ ഡുസെൻ.

സൗത്ത് ആഫ്രിക്ക ഏകദിന സ്‌ക്വാഡ് 

ടെംബ ബവുമ (ക്യാപ്റ്റൻ), കോർബിൻ ബോഷ്, മാത്യു ബ്രീറ്റ്‌സ്‌കെ, ഡെവാൾഡ് ബ്രെവിസ്, നാൻഡ്രെ ബർഗർ, ടോണി ഡി സോർസി, ഐഡൻ മാർക്രം, സെനുരൻ മുത്തുസാമി, കേശവ് മഹാരാജ്, വിയാൻ മുൾഡർ, ലുങ്കി എൻഗിഡി, ലുഹാൻ ഡ്രെ പ്രിട്ടോറിയസ്, കാഗിസോ റബാഡ, റയാൻ റിക്കൽട്ടൺ, ട്രിസ്റ്റൻ സ്റ്റബ്സ്, പ്രെനെലൻ സുബ്രയേൻ.

Australia have announced their squad for the ODI and T20I series against South Africa The series will consist of three ODIs and three T20Is