മസ്‌കത്ത്: പുതിയ 100 ഒമാൻ റിയാൽ ബാങ്ക് നോട്ട് പുറത്തിറക്കി എന്ന പ്രചാരണം അടിസ്ഥാനരഹിതമാണെന്ന് ഒമാൻ സെൻട്രൽ ബാങ്ക് (സിബിഒ) വ്യക്തമാക്കി. നിലവിൽ പ്രചാരത്തിലുള്ള സാധുവായ ബാങ്ക് നോട്ടുകൾ 100 ബൈസ, ഹാഫ് റിയാൽ, 1 റിയാൽ, 5 റിയാൽ, 10 റിയാൽ, 20 റിയാൽ, 50 റിയാൽ എന്നിവയാണെന്ന് സിബിഒ ഔദ്യോഗിക പ്രസ്താവനയിൽ അറിയിച്ചു.

ALSO READ: കർശനമായി നിയമങ്ങളുണ്ടായിട്ടും ഒമാനിൽ റോഡപകടങ്ങൾ വർധിക്കുന്നു; 2024-ൽ മാത്രം 1,854 റോഡ് അപകടങ്ങൾ മരണസംഖ്യ 586  

ബാങ്ക് നോട്ടുകളുമായി ബന്ധപ്പെട്ട വിവരങ്ങൾക്ക് ഔദ്യോഗിക സ്രോതസ്സുകളെ മാത്രം ആശ്രയിക്കണമെന്നും സ്ഥിരീകരിക്കാത്ത വാർത്തകൾ പ്രചരിപ്പിക്കുന്നത് ആശയക്കുഴപ്പത്തിന് കാരണമായേക്കാമെന്നും സെൻട്രൽ ബാങ്ക് പൊതുജനങ്ങളോട് അഭ്യർത്ഥിച്ചു. സാമൂഹിക മാധ്യമങ്ങളിൽ ഉയർന്ന മൂല്യമുള്ള നോട്ടിനെക്കുറിച്ച് പ്രചരിക്കുന്ന പോസ്റ്റുകളുടെയും ചർച്ചകളുടെയും പശ്ചാത്തലത്തിലാണ് ഒമാൻ സെൻട്രൽ ബാങ്കിന്റെ മുന്നറിയിപ്പ്.

ALSO READ: ഗസ്സ പിടിച്ചെടുക്കാനുള്ള ഇസ്‌റാഈല്‍ തീരുമാനത്തെ ഒമാന്‍ അപലപിച്ചു

ദേശീയ കറൻസി സംവിധാനത്തിന്റെ സ്ഥിരത, വിശ്വാസ്യത, സുതാര്യത എന്നിവ ഉറപ്പാക്കാൻ സിബിഒ പ്രതിജ്ഞാബദ്ധമാണെന്നും പ്രസ്താവനയിൽ വ്യക്തമാക്കി.

Oman’s Central Bank confirms that the 100 riyal currency has not been issued and urges citizens not to believe the circulating rumors. Stay informed about the latest updates on Oman's currency and official statements.