ടൊയോട്ട ഇന്നോവ ഹൈക്രോസ് ആരാധകർക്കിടയിൽ വലിയ ആവേശമാണ്. മികച്ച വലിപ്പവും 8 സീറ്ററിന്റെ സൗകര്യം, ശക്തമായ റോഡ് പ്രസൻസ് എന്നിവയാൽ ഹൈക്രോസ് പലരുടേയും ഒരു സ്വപ്ന വാഹനമാണ് എന്ന് പറയുന്നതിൽ തെറ്റില്ല. ഡീസലിനേക്കാൾ മികവുറ്റ സ്ട്രോംഗ് ഹൈബ്രിഡ് പെട്രോൾ എഞ്ചിൻ കൂടിയാവുമ്പോൾ ആകർഷണവും ഇരട്ടിയാകുന്നു. എന്നാൽ, ഹൈക്രോസിന്റെ ടോപ്പ് വേരിയന്റിന്റെ ഓൺ-റോഡ് വില 41 ലക്ഷം രൂപയോളം വരുമെന്നറിയുമ്പോഴാണ് പലരും പിന്മാറുന്നത്. അതേ സമയം വില കുറഞ്ഞ ഒരു ബദൽ മോ‍ഡലാണ് അന്വേഷിക്കുന്നതെങ്കിൽ മാരുതി സുസുക്കിയുടെ ഇൻവിക്റ്റോ എന്ന പുത്തൻ എംപിവി രംഗത്തെത്തിയിരിക്കുകയാണ്.

ALSO READ: റെനോ ഡസ്റ്റർ തീപിടിത്തം: ആശങ്കയ്ക്ക് പിന്നിലെ സത്യം

 

ലക്ഷങ്ങൾ ലാഭിക്കാം, കാത്തിരിപ്പില്ല

ടൊയോട്ട ഇന്നോവ ഹൈക്രോസിന്റെ സഹോദര മോഡലാണ് മാരുതി ഇൻവിക്റ്റോ എന്ന് പറയാം. ഒരേ പ്ലാറ്റ്‌ഫോമിൽ നിർമിച്ച, ഒരേ ഹൈബ്രിഡ് എഞ്ചിനും സമാനമായ കാര്യക്ഷമതയും വാഗ്ദാനം ചെയ്യുന്ന ഇൻവിക്റ്റോ, 1.40 ലക്ഷം രൂപ വരെ വിലക്കുറവിൽ ഇപ്പോൾ ലഭ്യമാണ്. ഹൈക്രോസിന് 8 മാസം വരെ കാത്തിരിപ്പ് വേണമെങ്കിൽ, ഇൻവിക്റ്റോ കുറഞ്ഞ വെയിറ്റിംഗ് പിരീഡിൽ ഡെലിവറി ഉറപ്പാക്കുന്നുമുണ്ട്.

ALSO READ: ഞെട്ടിച്ച് നിസാൻ: 5-സ്റ്റാർ സേഫ്റ്റിയും 10 വർഷ വാറണ്ടിയും, അതും 6.14 ലക്ഷത്തിന് കോംപാക്‌ട് എസ്‌യുവിക്ക്

ഓഫറുകളുടെ വിശദാംശങ്ങൾ

30.98 ലക്ഷം രൂപയാണ് ഇന്നോവ ഹൈക്രോസ് ZX(O) വേരിയന്റിന്റെ എക്സ്ഷോറൂം വില. എന്നാൽ, ഇൻവിക്റ്റോ ആൽഫ പ്ലസ് വേരിയന്റിന് നിലവിലെ ഓഫറുകൾ കണക്കിലെടുത്താൽ 27.82 ലക്ഷം രൂപ എക്സ്ഷോറൂം വിലയിൽ ലഭിക്കും. ഇതിനു പുറമേ, 25,000 രൂപ ക്യാഷ് ഡിസ്കൗണ്ടും 1.15 ലക്ഷം രൂപ സ്ക്രാപ്പേജ് ബോണസും ഉൾപ്പെടെ 1.40 ലക്ഷം രൂപ വരെ ആനുകൂല്യങ്ങൾ ആൽഫ പ്ലസ് വേരിയന്റിൽ ലഭിക്കും. സീറ്റ പ്ലസ് (7, 8 സീറ്റർ) വേരിയന്റുകളിൽ 1.15 ലക്ഷം രൂപ ഡിസ്കൗണ്ടും ലഭ്യമാണ്. 2024 സ്റ്റോക്കുകളിൽ ചില ഡീലർമാർ അധിക വിലക്കുറവും വാഗ്ദാനം ചെയ്യുന്നുണ്ട്.

ALSO READ: ടാക്സി ഡ്രൈവർമാർക്ക് മികച്ച ചോയ്സ്: ഒറ്റ ചാർജിൽ 404 കിലോമീറ്റർ റേഞ്ച് തരുന്ന കിയയുടെ ഈ ഇലക്ട്രിക് കാർ സ്വന്തമാക്കിയാലോ?

ഇൻവിക്റ്റോയുടെ പ്രത്യേകതകൾ

2.0 ലിറ്റർ ഫോർ-സിലിണ്ടർ സ്ട്രോംഗ് ഹൈബ്രിഡ് പെട്രോൾ എഞ്ചിനും ഇലക്ട്രിക് മോട്ടോറും ചേർന്ന് 184 bhp കരുത്ത് ഉൽപ്പാദിപ്പിക്കുന്നു. e-CVT ഓട്ടോമാറ്റിക് ട്രാൻസ്മിഷനോടുകൂടിയാണ് ഇൻവിക്റ്റോ, വരുന്നത്. 23.24 കിലോമീറ്റർ/ലിറ്റർ മൈലേജ് വാഗ്ദാനം ചെയ്യുന്ന ഈ എംപിവിക്ക് ഇലക്ട്രിക്-ഒൺലി മോഡും ഉണ്ട്. പനോരമിക് സൺറൂഫ്, പവർഡ് ടെയിൽഗേറ്റ്, 10.1 ഇഞ്ച് ഇൻഫോടെയ്ൻമെന്റ് സ്ക്രീൻ, ആംബിയന്റ് ലൈറ്റിംഗ്, വെന്റിലേറ്റഡ് ഫ്രണ്ട് സീറ്റുകൾ എന്നിവയാണ് പ്രധാന ഫീച്ചറുകൾ.

 

ഹൈക്രോസുമായുള്ള വ്യത്യാസങ്ങൾ

ഹൈക്രോസിന്റെ ഉയർന്ന ട്രിമ്മുകളിൽ ADAS, ഒട്ടോമൻ സീറ്റുകൾ എന്നിവ ലഭിക്കുമെങ്കിലും ഇൻവിക്റ്റോയിൽ ഇവയില്ല. എന്നിരുന്നാലും, വിലയിൽ 3-4 ലക്ഷം രൂപയുടെ ലാഭവും കുറഞ്ഞ കാത്തിരിപ്പ് സമയവും ആണ് ഇൻവിക്റ്റോയെ ആകർഷകമാക്കുന്നത്. അധികം ചെലവഴിക്കാൻ മടിക്കുന്നവർക്ക് ഒരേ സൗകര്യങ്ങളോടെ കുറഞ്ഞ വിലയിൽ ഇൻവിക്റ്റോ സ്വന്തമാക്കാൻ മാരുതി സുസുക്കി നെക്സ ഷോറൂമുകളിലേക്ക് പോകാം

 

 

Struggling to afford the Toyota Innova Hycross? Maruti Suzuki Invicto offers the same hybrid engine and 8-seater comfort at a lower price, with up to 1.40 lakh discounts and shorter waiting periods