വാഷിങ്ടണ്‍: യുഎസില്‍ കുട്ടികളെ ലൈംഗികമായി ചൂഷണം ചെയ്ത കേസില്‍ ഇസ്രാഈലി സൈബര്‍ ഉദ്യോഗസ്ഥന്‍ അറസ്റ്റില്‍. സൈബര്‍ സുരക്ഷ ഉദ്യോഗസ്ഥനായ ടോം ആര്‍ട്ടിയോം അലക്‌സാണ്ട്രോവിച്ച് (38)ആണ് അറസ്റ്റിലായത്. കുട്ടികള്‍ക്കെതിരായ അതിക്രമങ്ങള്‍ പിടികൂടുന്നതിനായി ആരംഭിച്ച രഹസ്യ ഓപ്പറേഷനിലാണ് ഇയാള്‍ പിടിയിലായത്. 

ടോം ഒരു കുട്ടിയെ കമ്പ്യൂട്ടര്‍ കാണിച്ച് ദുരുപയോഗം ചെയ്‌തെന്ന് ലാസ് വെഗാസ് മെട്രോപൊളിറ്റന്‍ പൊലിസ് അന്വേഷണത്തില്‍ കണ്ടെത്തി. പ്രധാനമന്ത്രി ബെഞ്ചമിന്‍ നെതന്യാഹുവിന്റെ ഓഫീസിന് കീഴിലുള്ള സര്‍ക്കാര്‍ ഏജന്‍സിയായ ഇസ്രാഈല്‍ സൈബര്‍ ഡയറക്ടറേറ്റിന്റെ എക്‌സിക്യൂട്ടീവ് ഡയറക്ടറാണ് ടോം ആര്‍ട്ടിയോം എന്ന് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു. ആഗസ്റ്റ് 7ന് ഇയാളെ ജഡ്ജിക്ക് മുന്നില്‍ ഹാജരാക്കുകയും, 10,000 ഡോളര്‍ ജാമ്യത്തില്‍ വിട്ടയക്കുകയും ചെയ്തതായി ദി ഗാര്‍ഡിയന്‍ റിപ്പോര്‍ട്ട് ചെയ്തു. 

അതേസമയം സൈബര്‍ സുരക്ഷ ഉദ്യോഗസ്ഥന്‍ അറസ്റ്റിലായ വിവരം ഇസ്രാഈല്‍ പ്രധാനമന്ത്രി ബെഞ്ചമിന്‍ നെതന്യാഹു നിഷേധിച്ചു. 

ALSO READ: 'യുദ്ധം അവസാനിപ്പിക്കുക, ബന്ദികളുടെ മോചനത്തിനായി ഹമാസുമായി കരാറിലെത്തുക' പ്രതിഷേധക്കടലായി ഇസ്‌റാഈല്‍; തെരുവിലിറങ്ങിയത് ലക്ഷങ്ങള്‍