ഇന്ത്യൻ സ്റ്റാർ ഓൾ റൗണ്ടർ രവീന്ദ്ര ജഡേജയെ പ്രശംസിച്ച് മുൻ ഓസ്ട്രേലിയൻ പേസർ ബ്രറ്റ് ലീ. ഒരു ക്രിക്കറ്റ് താരത്തിന് ആവശ്യമായ എല്ലാ ഗുണങ്ങളും ജഡേജക്കുണ്ടെന്നാണ് ബ്രെറ്റ് ലീ പറഞ്ഞത്. ക്രിക്കറ്റിൽ ഏറ്റവും മികച്ച ഫിറ്റ്നസുള്ള താരമാണ് ജഡേജയെന്നും മുൻ ഓസീസ് പേസർ അഭിപ്രായപ്പെട്ടു, 

''ഒരു ക്രിക്കറ്റ് താരത്തിന് വേണ്ട എല്ലാവിധ ഗുണങ്ങളും അദ്ദേഹത്തിനുണ്ട്. എല്ലാ കാര്യങ്ങളിലും അദ്ദേഹം മികച്ച പ്രകടനമാണ് നടത്തുന്നത്. എല്ലാ അടിസ്ഥാന പരമായ കാര്യങ്ങളും അദ്ദേഹം നന്നായി ചെയ്യുന്നുണ്ട്. അദ്ദേഹം കൃത്യമായ രീതിയി പന്തെറിയുന്നുണ്ട്. ആവശ്യമായ സമയങ്ങളിൽ ശരിയായ ലൈനും ലെങ്തും അദ്ദേഹം നോക്കാറുണ്ട്. അദ്ദേഹത്തിന് 36 വയസ്സുണ്ട്. ടീമിൽ ഏറ്റവും ഫിറ്റ്നസുള്ള താരമാണ് ജഡേജ. ഈ ഫിറ്റ്നസ് നിലനിർത്തുന്നതിൽ  അദ്ദേഹം അഭിമാനിക്കുന്നുണ്ട്. അതുകൊണ്ടാണ് വലിയ മത്സരങ്ങളിൽ അദ്ദേഹം ഒരിക്കലും പിന്മാറാത്തത്. മത്സരങ്ങളിൽ എപ്പോഴും തുടരാൻ ജഡേജ ഇഷ്ടപ്പെടുന്നുണ്ട്. എല്ലാ കാര്യങ്ങളും ഒരുമിച്ച് ചേർത്ത് ഒരു മികച്ച ക്രിക്കറ്റ് താരത്തെ സൃഷ്ടിക്കുകയാണെങ്കിൽ ജഡേജ തീർച്ചയായും ഈ പട്ടികയിൽ ഒന്നാം സ്ഥാനത്തുണ്ടാകും'' ബ്രെറ്റ് ലീ പറഞ്ഞു. 

ഇന്ത്യ-ഇംഗ്ലണ്ട് അഞ്ചു ടെസ്റ്റ് മത്സരങ്ങളുടെ പരമ്പരയിൽ മിന്നും ഫോമിലാണ് ഇന്ത്യൻ സ്റ്റാർ ഓൾ റൗണ്ടർ രവീന്ദ്ര ജഡേജ കളിച്ചത്. പരമ്പരയിൽ 10 ഇന്നിങ്‌സുകളിൽ നിന്നും 516 റൺസാണ് ജഡേജ അടിച്ചെടുത്തത്. ആറ് അർദ്ധ സെഞ്ച്വറികളും ഒരു സെഞ്ച്വറിയുമാണ് ജഡേജ നേടിയത്.

ഇന്ത്യ-ഇംഗ്ലണ്ട് അഞ്ചു മത്സരങ്ങളുടെ പരമ്പര(2-2) സമനിലയിലാണ് അവസാനിച്ചത്.  ഇനി ഏഷ്യാ കപ്പാണ് ഇന്ത്യയുടെ മുന്നിലുള്ളത്. സെപ്റ്റംബർ 9 മുതൽ 28 വരെയാണ് ഏഷ്യ കപ്പ് നടക്കുന്നത്. ടൂർണമെന്റിന് യുഎഇയാണ് ആതിഥേയത്വം വഹിക്കുന്നത്. 

Former Australian pacer Brett Lee has praised Indian star all-rounder Ravindra Jadeja. Brett Lee said that Jadeja has all the qualities needed in a cricketer