ദുബൈ: അപകട സ്ഥലങ്ങള്‍ കാണാന്‍ വാഹനമോടിക്കുന്നവര്‍ വേഗത കുറയ്ക്കുകയോ നിര്‍ത്തുകയോ ചെയ്യുന്ന അപകടകരമായ ശീലത്തിനെതിരെ ദുബൈ പൊലിസ് മുന്നറിയിപ്പ്. ഇങ്ങനെ ചെയ്യുന്നത് ഗതാഗതം തടസ്സപ്പെടുത്തുക മാത്രമല്ല, ജീവന്‍ അപകടത്തിലാക്കുകയും, അടിയന്തര പ്രതികരണം വൈകിപ്പിക്കുകയും ചെയ്യുന്നുവെന്നും
ദുബൈ പൊലിസ് ജനറല്‍ ഡിപാര്‍ട്‌മെന്റ് ഓഫ് ട്രാഫിക് ആക്ടിംഗ് ഡയരക്ടര്‍ ബ്രിഗേഡിയര്‍ ജുമാ സാലം ബിന്‍ സുവൈദാന്‍ പറഞ്ഞു.

വാഹനമോടിക്കുന്നവര്‍ അപകട സ്ഥലങ്ങള്‍ നിരീക്ഷിക്കാന്‍ ശ്രമിച്ചാല്‍ ഫെഡറല്‍ ട്രാഫിക് നിയമ പ്രകാരം 1,000 ദിര്‍ഹം പിഴയും, അവരുടെ ഡ്രൈവിംഗ് റെക്കോഡില്‍ ബ്ലാക്ക് പോയിന്റുകളും നേരിടേണ്ടി വരുമെന്നും അദ്ദേഹം താക്കീത് ചെയ്തു.
അത്തരം പെരുമാറ്റം റോഡ് സുരക്ഷയ്ക്കും മനുഷ്യ ജീവിതത്തിനും ഗുരുതര ഭീഷണി ഉയര്‍ത്തുന്നുവെന്നും, അടിയന്തര സംഘങ്ങളുടെ സമയോചിത വരവിനെ തടസ്സപ്പെടുത്തുന്നുവെന്നും അദ്ദേഹം ഊന്നിപ്പറഞ്ഞു.

അപകട സ്ഥലങ്ങളില്‍ തിരക്ക് കൂടുന്നത് പലപ്പോഴും പരുക്കുകള്‍ വഷളാക്കുകയും, രക്ഷാപ്രവര്‍ത്തനങ്ങള്‍ വൈകിപ്പിക്കുകയും ചെയ്യുന്നുവെന്നും അദ്ദേഹം വിശദീകരിച്ചു.
അടിയന്തര സാഹചര്യങ്ങളില്‍ ഓരോ സെക്കന്‍ഡും പ്രധാനമാണെന്ന് ഓര്‍മപ്പെടുത്തിയ ബ്രിഗേഡിയര്‍ ബിന്‍ സുവൈദാന്‍, അനാവശ്യമായ തിരക്ക് മൂലമുണ്ടാകുന്ന കാലതാമസം ഒരു ജീവന്‍ നഷ്ടപ്പെടുത്തിയേക്കാം എന്ന് ഉണര്‍ത്തുകയും, അതിനാല്‍ ഉത്തരവാദിത്തത്തോടെ പ്രവര്‍ത്തിക്കാനും ഒരു കാരണവശാലും റോഡിന്റെ മധ്യത്തില്‍ നിര്‍ത്തുന്നത് ഒഴിവാക്കാനും ഡ്രൈവര്‍മാരോട് അഭ്യര്‍ത്ഥിക്കുകയും ചെയ്തു.

വാഹനം നീക്കാന്‍ കഴിയാത്ത സാഹചര്യങ്ങളില്‍, സഹായത്തിനായി വാഹനമോടിക്കുന്നവര്‍ ഉടന്‍ ദുബൈ പൊലിസുമായി ബന്ധപ്പെടാനും അദ്ദേഹം നിര്‍ദേശിച്ചു.
വാഹനമോടിക്കുന്നവരില്‍ കൗതുകമുള്ളവര്‍, വാഹനങ്ങളുടെ വേഗത കുറയ്ക്കുകയോ പെട്ടെന്ന് നിര്‍ത്തുകയോ ചെയ്യുന്നത് ഗതാഗതക്കുരുക്കിനും ഇരട്ട കൂട്ടിയിടികള്‍ക്കും കാരണമാകും.

വാഹനങ്ങള്‍ക്കിടയില്‍ ശരിയായ അകലം പാലിക്കുക, വേഗ പരിധി പാലിക്കുക, ലെയ്ന്‍ മാറ്റുന്നതിന് മുമ്പ് സിഗ്‌നല്‍ നല്‍കുക എന്നിവയുള്‍പ്പെടെ സുരക്ഷിതമായ ഡ്രൈവിംഗ് രീതികള്‍ പാലിക്കാന്‍ പൊലിസ് ഡ്രൈവര്‍മാരെ ഉപദേശിച്ചു.
സുരക്ഷിത ഡ്രൈവിംഗ് ശീലങ്ങള്‍ ശക്തിപ്പെടുത്താനും, ''അപകട സ്ഥലങ്ങളിലെ നിരീക്ഷണ ജിജ്ഞാസ ഒരു മോശം ശീലം മാത്രമല്ല, ദുരന്തത്തില്‍ അവസാനിക്കുന്ന ഗതാഗത ലംഘനം കൂടിയാണ്' എന്ന് വാഹനമോടിക്കുന്നവരെ ഓര്‍മിപ്പിക്കാനുമായി നേരിട്ടും ഓണ്‍ലൈനിലും നടന്നു വരുന്ന ബോധവത്കരണ കാംപയിനുകളും അധികൃതര്‍ എടുത്തുകാട്ടി.

ALSO READ: ബെവര്‍ലി ഹില്‍സില്‍ സിംഗിള്‍ പ്ലോട്ട് വില്ല വിറ്റു പോയത് 853 കോടി രൂപക്ക്; വില്‍പനയില്‍ പുതു റെക്കോഡ് സ്ഥാപിച്ച് ദുബൈ

Dubai: Dubai Police have warned motorists against the dangerous habit of drivers slowing down or stopping to watch accident scenes, a practice officials say not only disrupts traffic but also endangers lives and delays emergency response.